Смејте се – ништо не ве чини, а ќе бидете попривлечни и поздрави

Истражувањата покажале дека луѓето кои повеќе се смеат живеат подолго, повеќе заработуваат, а другите повеќе им веруваат.

Оние кои искрено се смеат така им праќаат порака на другите дека можат да им се доверат и да соработуваат со нив. Исто така, оние кои повеќе се насмевнуваат другите ги доживуваат како великодушни и поотворени.

Жените кои не ја симнуваат насмевката од своето лице им се попривлечни на мажите, а насмеаните луѓе подобро поминуваат во животот за разлика од намуртените.

Насмевката може да ве извади и од најнепријатните ситуации. На луѓето фатени при кршење на некои правила кога реагираат со насмевка може „да им се прогледа низ прсти“.

Економистите утврдиле дека насмевката има и парична вредност – насмеаните келнери добиваат поголема напојница.

Тајна магнетска привлечност
Женската насмевка има речиси волшебна моќ кај мажите. Во истражувањето околу 20% мажи би и пришле на жена која ги гледа право во очи, но ако при тоа се насмевнува, а дури 60% од нив би посакале да ја запознаат.

Смеењето е заразно
На туѓото смеење луѓето често реагираат со насмевка, а истражувањата покажале дека тоа се случува во 50% од случаите. За разлика од тоа, малку кој на муртењето ќе возврати со муртење.

Насмеаните живеат седум години подолго
Насмевката го продолжува животот. Стручњаците ги проучувале фотографиите на спортистите и дошле до заклучок дека насмеаните ги надживеале колегите за седум години.

Помага и кога не е смешно
Ако ви се случи нешто лошо, подобро ќе се чувствувате ако се насмеете, дури и со сила. Но, внимавајте – на другите луѓе тоа ќе им биде чудно па нема убаво да ве гледаат.

Со насмевка е се појасно
Кога се под стрес на луѓето може да им се„блокира мозокот“. Но, ако се насмеете, мозокот тоа може да го протолкува како да сте релаксирани и опуштени што ја подобрува концентрацијата и овозможува да дојдете до нови идеи.