Симптоми на стомачен вирус, колку долго трае и кога да посетите доктор?

Стомачниот вирус е често заболување кое предизвикува непријатни симптоми, како дијареја и повраќање. Во повеќето случаи, симптомите се повлекуваат сами, во период од два-три дена. Но, доколку симптомите се многу изразени или не ви поминуваат веќе неколку денови, секогаш е добро да се консултирате со лекар.

Стомачниот вирус е вирусна инфекција во дигестивниот систем. Предизвикува симптоми како повраќање и дијареја и иако трае кратко, може да биде многу заразен.

Што треба да знаете за оваа честа болест и како да се заштитите?

Што претставува стомачниот вирус и колку е чест?

Стомачниот вирус, медицински познат како гастроентеритис, е инфекција која има влијание врз дигестивниот систем.

Предизвикан е од вирус, но постојат и бактерии и паразити кои можат да предизвикаат слични симптоми.

Неретко, речиси е невозможно самите да познаете дали станува збор за вирус или бактерија.

Важно е да знаете дека стомачниот вирус нема никаква врска со сезонскиот грип, туку е сосема различно заболување.

Додека сезонскиот грип го напаѓа респираторниот систем, стомачниот вирус е фокусиран само на дигестивниот.

Стомачниот вирус е мошне често заболување, но бидејќи генерално не треба лекарска помош, тешко е да се одреди колку точно луѓе се заразуваат секоја година.

Предизвикан е од неколку вируси, а експертите претпоставуваат дека најчесто „виновникот“ е норовирусот.

Се проценува дека секоја година, над 680 милиони луѓе се заразуваат со овој вирус.

Кои се симптомите на стомачен вирус?

Симптомите на стомачен вирус обично се јавуваат од еден до три дена по заразата.

Кај некои луѓе се поблаги и траат неколку денови, но некогаш можат да бидат поизразени и да траат до две недели.

Најчестите симптомите се:

• Дијареја – доколку има крв во столицата, тогаш најверојатно не е стомачен вирус, туку друга инфекција
• Гадење и/или повраќање
• Болки и грчеви во стомакот
• Повремени болки во мускулите или главоболка
• Блага треска

Кога треба да одите на лекар?

Во повеќето случаи, симптомите се повлекуваат сами од себе.

Но, одете на лекар доколку:

• Повеќе од 24 часа повраќате дури и кога пиете само течности
• Повеќе од два дена имате дијареја и повраќање
• Повраќате крв
• Забележувате знаци на дехидратација – многу сува уста, многу жолта урина, вртоглавица, слабост
• Забележувате крв во столицата
• Имате многу силни болки во стомакот
• Имате температура повисока од 40 степени

Стомачниот вирус е доста чест и кај децата, па важно е да ги следите симптомите.

Веднаш однесете го детето на лекар доколку:

• Има температура повисока до 38,9 степени
• Изгледа многу уморно
• Има дијареја и крв во столицата
• Изгледа дехидрирано

Продолжува на следната страница...