Сѐ што треба да знаете за амниоцентезата: Кога се прави и дали е ризично?

Трудниците чувствуваат страв дури и само од помислата на овој тест, но преку оваа постапка ќе дознаете многу за здравјето на вашето бебе за време на бременоста.

Бременоста е период во кој веројатно најчесто се оди на прегледи, а секоја мајка знае дека во тој период се прават низа тестови, анализи и проверки за и родителите и докторите да бидат сигурни дека сè е во ред со бебето и мајката.

Една од анализите што може да се најде на агендата на трудницата е амниоцентезата, чија цел е генетско тестирање и откривање на можни инфекции или други болести на бебето.

Амниоцентезата е постапка што ја иницира лекарот во специфични ситуации, а повеќе за самиот процес и резултатите прочитајте во продолжение.

Што е амниоцeнтеза?

Ова тестирање укажува на абнормалности кои можат да се појават кај фетусот како што се цистична фиброза, Даунов синдром, генетски нарушувања, ширење на потенцијална инфекција и други болест.

Во повеќето случаи, резултатите од овој тест обично се добри.

Одлуката за амниоцентеза ја донесуваат трудницата и нејзиниот партнер по консултација со лекар и експерт за аномалии на плодот. Не е лесно да се одлучи, па затоа е многу важно трудницата да се информира од својот гинеколог за деталите на самата интервенција.

 

Кога се прави амниоцентеза?

Амниоцентеза препорачливо е да се направи во периодот помеѓу 16-та и 18-та недела од бременоста и може да се изврши најдоцна до 20-та недела од бременоста. Овој тест се прави со земање примерок од плодовата вода, кој потоа се испраќа на анализа.

Имено, под контрола на ултразвук, плодовата вода се зема од матката со помош на шуплива игла која вади одредена количина течност. Количината на земена амнионска течност зависи од возраста на плодот.

Потоа овој примерок се испраќа на лабораториски анализи кои ја одредуваат снеговата состојба.

Кога се прави овој процес, мочниот меур мора да е полн (ако го правите тестот пред 20-та недела од бременоста), а за да бидете сигурни дека сè ќе биде во ред, најдобро е да испиете 3 или 4 чаши вода, час и половина пред прегледот и потоа да се воздржите од одење во тоалет сè до завршувањето на прегледот.

За да бидете мирни и опуштени ќе ви треба поддршка, па најдобро е да дојдете на лекар во придружба на партнерот или некој близок.

Со оглед на тоа дека се работи за инвазивен процес, амниоцентезата може да биде болна и непријатна, па многу трудници се одлучуваат за неинвазивни пренатални тестови, кои во 99% од случаите можат да утврдат присуство на хромозомски аномалии и потенцијални заболувања.

Една од најсигурните алтернативи е тестот за кој е потребно да се земе крв од мајката, а кој може да се направи веќе во 10-тата недела.

Кога докторите препорачуваат да се направи овој тест?

Ризикот од развој на генетски или хромозомски нарушувања на плодот, како што е Даунов синдром, се зголемува со возраста на трудницата. Затоа на овој тест се упатуваат постарите родители, како и оние кои имаат зголемен ризик за генетски и хромозомски проблеми.

Тест за амниоцентеза се препорачува во следниве случаи:

- Ако мајката има над 35 години, а таткото над 42 години

- Кога постои семејна историја на хромозомски и генетски нарушувања

- Доколку во претходната бременост било дијагностицирано генетско нарушување

- Доколку резултатите од ултразвукот покажале абнормалности

- Кога резултатите од неинвазивните скрининг тестови се лоши

Продолжува на следната страница...