„Јас сум дебела жена и првпат облеков бикини, младите мажи најмногу ме исмејуваа“

„Ме исмеваа и групи на девојки, кои дури си довикуваа „Гледај ја дебелана жена!“.

Мери Оспина е жена за восхит. Таа и покрај вишокот на килограми собрала храброст за првпат да појде на плажа во бикини, наместо во едноделен костим за капење, и јавно ги пренесува впечатоците од искуството.

Нејзината исповед:

„Никогаш не сум носела бикини со низок струк, дури и кога бев најслаба во средно училиште. Мислев дека ќе направат да изгледам изложено и ранливо.

И покрај стравовите и несигурностите одлучив на плажа во Шпанија да појдам така. Имаше и позитивни и негативни реакции.

Изненадувачки е што најголемиот број негативни реакции доаѓаа од младите парови. Мажите секогаш први посочуваа кон мене и им шепотеа нешто на партнерките. Ме гледаа и ме исмејуваа.

Мислам дека жените немаше ниту да ме забележат, ако нивните партнери не ме посочија. Беа полни со предрасуди.

Од друга страна, постарите парови беа културни и ми даваа охрабрувачки погледи, што малку ми даде надеж дека луѓето ќе ја надраснат нетолеранцијата.

Знам дека постои некој вид на „фобија од дебелина“ кај некои луѓе, но кога го видов тоа на дело ме разочара комплетно и дефинитивно беше поразувачко искуство за мене.

Ме исмеваа и групи на девојки, кои дури си довикуваа „Гледај ја дебелана жена!“.

Но, меѓу нив постоеја и такви кои ми упатуваа насмевки кои кажуваа дека се срамат од однесувањето на своите другарки и беа солидарни со мене. Тоа е моќна работа, некако веднаш се поврзавме.

Сепак, гледајќи го целокупното искуство само малку луѓе имаа негативни реакции, другите си ја гледаа својата работа. Да не правев експеримент и да набљудував внимателно можеби дури и немаше да ги забележам негативците.

Сфатив дека и ние дебелите девојки треба да го носиме тоа што ни се допаѓа, без страв дека ќе бидеме осудени. Мора да престанеме да мислиме дека сме надвор од границите на нормалното, мора да ги прифатиме разликите и да ги научиме и другите да го сторат тоа.“

С. С. | Црнобело