Како ѕвездите се борат со несоницата?

Дел од славните дами го открија своето оружје во битката против инсомнијата. Нивните тајни за мирен сон се изненадувачки лесни, или, пак, тешки.

Сите сме свесни дека спиењето е од непроценлива важност за здравјето и убавината. Оптимални се осум часа сон во текот на ноќта – за правилно функционирање на организмот, свеж изглед и блескава кожа.

Меѓутоа, само малa бројкa на луѓе може да се пофалат дека никогаш немале проблеми од оваа област. Инсомнијата е честа појава, а се појавува барем во една фаза од животот на човекот.

Наспроти славата и богатството, ѕвездите неретко се изложени на стресори заради бурната динамика на секојдневието, притисоците што ги носи популарноста, или, пак, личните проблеми на кои не се имуни.

Ова дефинитивно им се одразува на спиењето. Тие добро го знаат тоа, па користат разни методи да си обезбедат здрав и квалитетен сон. Неодамна ви откривме кои се позматите личности што стануваат рано, како и кога си легнуваат богатите и славните.

Денес, пак, ви ги споделуваме тајните на повеќе холивудски убавици, кога е самиот ритуал на заспивање во прашање. Еве како ѕвездите се борат со несоницата:

Салма Хајек

Ако очекувавте некаков бабин рецепт од латино глумицата, веројатно ќе останете разочарани. Салма Хајек применува сосема модерен начин за побрзо да заспие и потоне во длабок сон.

Пред одење во кревет, таа секогаш пие напиток со калциум и магнезиум. Двете одлични „таблети“ за спиење, имаат уште една предност – го подобруваат варењето.

Миранда Кер

Некогашниот ангел на брендот Victoria's Secret, знае дека квалитетот на сонот е клуч за прекрасна кожа. Затоа и често се потпира на еден докажан лек – лавандата. Таа ја смирува и опушта Миранда Кер.

„Пред спиење си ја намирисувам перницата. Ова е мојот ритуал. Лавандата има многу пријатен мирис, така што постојано си ја чувам покрај креветот во случај на несоница.“

Мараја Кери

Како вистинска дива, поп ѕвездата практикува кралски третмани. Мараја Кери смета дека воздухот во спалната соба е особено важен, па температурата секогаш ја одржува на 20 степени.

За таа намена, поставени ѝ се повеќе навлажнувачи во близина на креветот. А, кога сака максимално да се опушти, пејачката ги користи и услугите на личниот масер.

Леа Мишел

Пред одењето во кревет, младата глумица и пејачка си припрема чудесна напивка. Пијалакот на Леа Мишел го сочинуваат две едноставни состојки: топла вода и лимон.

Според нејзините зборови, ваквиот напиток ѝ го олеснува процесот на спиење.

Џенифер Анистон

Формулата на холивудската миленичка е проста и комплексна во исто време. Од една страна, не мора да барате пијалак со калциум и магнезиум, да припремате „чај од лимон“, или, пак, да ја украсите собата со навлажнувачи за воздух. Но, затоа ви е потребна цврста волја.

Каков е нејзиниот совет? Џенифер Анистон препорачува да заборавите на мобилниот телефон, барем еден час пред времето за спиење. Исто така, глумицата сака да медитира, бидејќи на овој начим се ослободува од секојдневниот стрес, којшто секако има лошо влијание врз квалитетот на сонот.

Гвинет Палтроу

Со омилениот ритуал на русокосата актерка сте сигурно веќе запознаени. Гвинет Палтроу долго време се бања во ароматична сол. По нејзино мислење, оваа метода не само што помага да заспиете побрзо, туку и ги чисти енергетските полиња.

„Се капам секоја вечер пред спиење. Ваквиот ритуал ми го смирува умот и ја отстранува негативната енергија. На полиците имам мноштво различни соли, масла и пилинзи. Јас сум дефинитивно љубителка на овие третмани!“

Бела Хадид

Познатата манекенка честопати страдала поради недостатокот на сон. Меѓутоа, инсомнијата е минато во животот на Бела Хадид. Благодарение на еден трик, сега таа успева да спие како бебе. И наутро се буди свежа и одморена.

Убавицата слуша листа на песни со смирувачка музика. Омилена ѝ е колекцијата од педесет најдобри мелодии за медитација, а признава дека веќе на четвртата песна е потоната во длабок сон.

Чиј рецепт највеќе ви се допадна? Имате ли своја лична формула против несоницата? Споделете ги вашите искуства во коментари.

М. А. | Црнобело