Како ѝ мириса семејството на Ким Кардашијан? Канје - на пари, Кендал - никако, Кајли - на цвеќе

Старлетата призна дека до носот ѝ допираат различен спектар од ароми, зависно од тоа дали е среќна, или, пак, со скршено срце. Истовремено, старлетата ги откри и телесните мириси на сопругот и сестрите.

Промовирајќи ги најновите парфеми од козметичката линија со нејзин потпис, ѕвездата на реалното шоу „Keeping Up with the Kardashians“, даде прилично чудно интервју за магазинот „Тhe Cut“. Целиот разговор се врти околу аромите што само таа ги чувствува во окружувањето.

Меѓу другото, призна како ѝ мириса среќата, а како скршеното срце. Според темнокосата убавица, среќата има арома на гарденија, додека скршеното срце смрди на алкохол. Што се однесува до мирисот на сопругот, одговорот ѝ беше (не)очекуван.

Раперот не мириса ни малку обично. „Богато. Не можам точно да објаснам, но како богата личност. Мириса на пари. Не знам.“, низ смеа објасни Ким Кардашијан и додаде: „Тој мириса на нешто навистина скапо. Налик на луксузна кампања од Сен Лоран за парфеми.“

Иако не сме сигурни зошто господин Канје Вест би мирисал на „пари“, факт е дека ги има во изобилство. Според проценките, неговото лично богатство изнесува 250 милиони американски долари. А, брендот Yeezy во соработка со Adidas му вреди приближно 1.5 милијарди. Можеби тоа е тајната на неговата „богата“ арома.

А, што е со Кајли Џенер, која годинава се стекна со статус на најмлада милијадерка? Ако сопругот на старлетата мириса богато, дали истото важи и за неа? Одговорот е не. Таа тврди дека помалата сестра постојано мириса на еден од нејзините цветни парфеми, со ноти на гарденија и јасмин во составот.

Кендал Џенер, пак, нема мирис, што е добро според Ким. „Таа секогаш мириса свежо и чисто. Мириса на супермодел. Баш како што би помислиле дека треба да мириса.“. 

Од друга страна, Кортни Кардашијан „мириса на природни продукти“, што и не е некакво изненадување, имајќи предвид дека е опседната со органска козметика.

Клое Кардашијан наводно мириса на „богати масла“, кои нејзината сестра ги опиша како „мошне овошни, но богати по арома“. 

За самата себе, пак, нескромно кажа: „Јас мирисам предобро!“. Обожава да експериментира со парфемите, во зависност од расположението.

Мистеријата за мирисите на семејството Кардашијан е конечно разоткриена. Ти благодариме, Ким!

М. А. | Црнобело