5 секојдневни козметички производи кои ги користите погрешно

Многу козметички производи кои ги имаме дома се користат на поинаков начин од оној на кој сме навикнати.

Уште од мали нозе особено девојчињата се воодушевени од светот на шминката и козметиката и разбирливо е дека се добро упатени во поголем број од производите. Но, иако мислите дека ги употребувате правилно, постојат понапредни начини за уште полесна примена.

Еве за што станува збор и секако мали упатства како правилно и на најдобар начин да ги користите.

Масло за чистење лице

Сите знаат дека масло и вода не се мешаат. Но, кога станува збор за маслата кои се употребуваат за чистење на лицето, тоа правило не важи. Напротив, маслата за чистење лице помешани со вода стануваат поделотворни.

Совет: Кога го нанесувате, масирајте го лицето додека прстите ви се влажни од вода.

Тоник за лице

Со овој производ треба особено да внимавате и да бидете нежни додека го употребувате и тоа не само во делот околу очите, туку и на останатиот дел од лицето.

Со парчето памук натопено со тоник за лице задржете се на деловите од кои сакате да ја извадите шминката сè додека таа не почне сама да се разлева. Потоа со неколку кратки потези избришете го целото лице.

Сунѓери за шминкање

Со сунѓерите заборавете на триењето. Нивната намена е исклучиво за пудрата или тонираната крема нежно да ги нанесете и претопите на вашето лице и да се изедначи со вашиот тен.

Тоа може да го постигнете само со тапкање по деловите на лицето каде што сакате да биде нанесена.

Молив за усни

За најдобар изглед, прво со моливчето исцртајте ги границите на усните, потоа нежно размачкајте ги со него целите усни наместо да ги оставате само двете линии кои ќе двојат, а после тоа нанесете го саканиот кармин и уживајте.

Регенератор за коса

Според некои нови истражувања и совети од светски познати фризери, регенераторот треба да се нанесе на косата пред да ја измиете со шампон.

Ова е всушност сосема спротивно од она што сите сме го правеле до сега. Според експертите во оваа област, овој начин на миење на косата ќе направи таа да биде понежна и помека.

Е. Д. | Црнобело