Зошто градите не ви се совршено симетрични?

Градите на дамите се како снегулки. Ниту една од нив, не е иста.

Па, не треба да се чудите што дури ниту вашите две гради не се исти. Односно, што едната е поголема од другата.

„100 проценти од жените имаат асиметрија на градите“ - вели докторот Даниел Маман.

Имаме различни гради, бидејќи никој не е совршено симетричен.

Ако се погледнете во огледало на пример, ќе забележите дека дури ниту цртите на лицето не ви се исти на едната и другата страна.

Асиметријата на градите може да варира од речиси незабележлива до разлика колку цел број за градник.

„Станува збор за нормален фетален развој кој резултира со тоа што едната града е секогаш поголема од другата“ - објаснува Маман.

Најчесто е резултат на различни количини на ткиво во градите, вели тој.

Но исто така, различната големина може да биде предизвикана и од други фактори како еластичност на кожата или нееднакво доење на детето со двете гради.

За жал, не можете да направите да исчезне асиметријата. Дури ниту вежбањето. Пекторалните мускули се наоѓаат под градите, па нивното зацврстување нема да направи никаква разлика.

Во некои случаи, дури може да ви се разликуваат и брадавиците. Едната да биде поголема од другата, да биде потемна или посветла. Едната да биде испакната, а другата вдлабната...

Но, колку и да се разликуваат, важно е да го прифатите тоа како нормална работа...

Извор