8 тајни од шминкерот кој Мерилин Монро ја претворил од обична девојка во стилска икона

Алан „Вајти“ Снајдер - личниот шминкер, стилист и близок пријател на Мерилин Монро, човекот кој е одговорен за нејзината трансформација од секојдневна девојка во стилска икона, ги открил своите тајни за шминкање.

Според него морате да внимавате на неколку работи кога се шминкате, ако сакате да се претворите во вистинска стилска икона, баш како Мерилин Монро:

1. Влажен изглед на очите

Овој изглед се смета за најдобро изразување на сексапилот, а се постигнува со сенки со металик текстура. Алан комбинирал и вазелин со кокосово масло.

2. Вазелин под пудрата

Пред да нанесе пудра, Алан секогаш нанесувал вазелин кој добро ја хидрира кожата и ѝ дава свеж изглед. Плус, пудрата подобро и порамномерно се нанесува на кожата.

3. За волумен на усните

Во ерата кога сè уште секојдневно не се употребувале филери за усни, тој користел мал, но генијален трик. Употребувал различни сенки - контурите на усните ги исцртувал со чоколадни нијанси, темно црвен кармин од периферијата кон центарот и во центарот светло црвена боја. Потоа сите ги мешал заедно.

4. Ајлајнер

Тој секогаш комбинирал неколку нијанси на ајлајнер - најчесто со црни и кафеави нијанси. Еден долен ред црн ајлајнер, горен кафеав ред најчесто исцртан во точки.

5. Тајната на белите сенки

Белата сенка на долниот капак на очите на пример, видливо ги зголемува очите и дава посекси изглед.

6. Визуелно намалување на носот

Мерилин Монро поголемиот нос визуелно го намалувала со шминка. Од страните додавале малку потемна нијанса на кемена пудра, а долу на врвот на носот малку розово руменило.

7. Трепки

Алан изгледот на Мерилин секогаш го надополнувал со вештачки трепки, но само на крајот за да се постигне ефектот на издолжени трепки.

8. Облик на веѓите

Веќе знаете, обликот на веѓите драстично може да го измени целокупниот изглед на лицето. Веѓите на Мерилин, Алан ги правел така да се издигнуваат кон надворешниот крај на очите и брзо да се спуштаат. Практично, да изгледаат како да формираат облик на триаголник.

Н. Г. | Црнобело