„Денес е денот кога ќе те посвојам“ – Емотивен говор на маж за ќерката на неговата сопруга

Кога Тим Бобит ја започнал врската со сопругата Ани, таа веќе имала ќерка – малата Кајли.

Тим и Кајли веднаш се спријателиле, а малото девојче најмногу од сè сакало Тим и официјално да стане нејзин татко.

Можеби двајцата не се крвно поврзани, но со секој изминат ден, нивната врска станувала сè посилна. Тим станал личноста која ја заспива Кајли, присуствувал на сите нејзини приредби, си играл со неа и правел сè што би правел еден татко со неговата ќерка.

На големо изненадување на Тим и Ани, на денот на нивната венчавка, малата Кајли му дала писмо на Тим.

Девојчето го прашало Тим дали сака да ѝ биде татко – нешто што тој со задоволство прифатил.

Нормално, било потребно време да се заврши целата документација, но кога Тим направил сè што треба, ѝ приредил прекрасно изненадување на малата Кајли.

Тим организирал фотосесија, а планот му бил да ја прекине и да ѝ соопшти на Кајли дека од тој ден, официјално ја посвојува.

Тим подготвил цел говор за овој момент, па дури ѝ дал и прстен на неговата нова ќерка. На среќата на Кајли ѝ немало крај и девојчето се расплакува од среќа во моментот кога тоја ѝ ја соопштува веста.

Можеби најдобриот дел е што Тим се сетил да го сними целиот настан и го споделил видеото на YouTube и Facebook.

„Има малку денови во мојот живот што никогаш нема да ги заборавам. Моменти од мојот живот што се посебни и ми го променија животот на подобро.

Во четвртокот бев доволно среќен да доживеам уште еден ваков ден. Ја посвоив Кајли, ќерката на мојата сопруга. Ова беше еден од најубавите денови во мојот живот“, напишал Тим.

Емотивното видео од „запросувањето“ можете да го погледнете во продолжение:

Извор