Подмолни коментари, ненајавено доаѓање на гости - 7 знаци дека не сте посакувана свекрва

Давате подмолни коментари и го вртите синот против неговата сопруга? Не си ги знаете границите и се мешате во нивната приватност? Веројатно не сте свекрва од соништата...

Дали се сметате себеси за свекрва која е добра и посакувана од синот и снаата? Мислите ли дека одржувате доволно контакт, но истовремено и дистанца од она што не е ваша работа?

Многу жени мислат дека имаат право да се мешаат во брачниот живот на нивните синови, но со тоа само си прават проблеми.

Секако дека мајката треба секогаш да е тука, да помогне и да даде некој совет, да помине време со блиските, но сепак мора да има одредени граници.

Ако се сомневате во себе, проверете дали сте добра свекрва.

Следниве знаци укажуваат дека не сте баш посакувана...

1. Изразувате дека нешто не ви се допаѓа со подмолни и дрски коментари. Ја критикувате снаата пред синот и го вртите против неа. 

2. Инсистирате дека секогаш сте во право и мислите дека синот и снаата секогаш треба да ве слушаат вас.

3. Давате непотребни совети и ги „труете“ младите со здодевни бабини деветини и на секоја нивна одлука имате ваше мислење. 

4. Ги критикувате двајцата за одредени навики, кажувате несоодветни шеги за снаата и ја критикувате пред останатите членови од семејството.

5. Ретко давате комплименти и речиси секогаш имате замерки – независно дали е ручекот од снаата, трошењето пари или други нивни одлуки и однесувања.

6. Љубоморна сте и не сакате синот секогаш да ја става сопругата на прво место пред вас. Покрај тоа, мислите и дека треба да се дружите со нив, па се лутите ако некаде не ве поканат...

7. Немате граници и не ја почитувате нивната приватност – одите на гости без најава, носите одлуки за нив без да ги прашате и слично.

М. М. | Црнобело