Духовни правила за воспитување на деца, на кои многу родители забораваат

Нема родител кој не го сака своето дете и секогаш му мисли и посакува само најдобро. Но, секој од нас е сведок на барем еден случај во кој токму од иста желба, родителите прават грешки.

Според духовните учења, децата ни се единствени „гости“ во нашите животи, кои самите ги создаваме, па затоа и многу родители имаат погрешна перцепција дека тие мали личности всушност се нивна сопственост.

Но, тоа не е добар пристап во воспитувањето. Тие всушност сè прават со најдобра намера, бидејќи во нивниот ум, децата треба да бидат лика и прилика на своите родители. Ова уште од самиот старт е погрешно, бидејќи тоа се сосема нови личности, кои не треба да ги рефлектираат фрустрациите на оние кои ги создале.

Секако, нормално е децата да гледаат и имитираат, но тие се и како филтер, го прифаќаат само она што мислат дека е соодветно за прифаќање.

За да избегнете да создадете свои минијатурни реплики, водете се според идејата за стимулирање на нивната индивидуалност и посебност, со овие 10 духовни идеи:

1. Не сметајте ги за своја сопственост, туку како сакани „гости“ на кои им е потребна вашата помош за да чекорат низ животот.

2.  Дајте им доволно слобода за самите да го искусат овој свет.

3. Дозволете им да доживуваат што повеќе лични спомени.

4. Не ги учете на нешта за кои ниту самите немате лично искуство. Тоа е еднакво на проповедање.

5. Научете ги да не земаат ништо здраво за готово, само затоа што доаѓа од личност која е авторитет.

6. Дозволете им да се сомневаат, додека самите не се осигураат во исправноста на своите постапки.

7. Помогнете им да останат слободни и отворени за сите искуства кои им се достапни.

8. Споделете ги своите искуства со нив.

9. Создадете опкружување во кое ќе бидат радосни и весели.

10. Покажете им го својот пример, но не инсистирајте дека мора да го следат.

Е. Д. | Црнобело