Ги воспитувам моите синови да ги сакаат своите жени на начинот на кој ме сакаат мене

Исповедта на една мајка ќе ве трогне:

„Имам 2 сина и ги воспитувам да ги сакаат и почитуваат своите жени на начинот на кој ме сакаат мене.

Знам дека нема секогаш да бидат слатки, мали момчиња. Времето минува брзо и ќе бидат возрасни, созреани мажи пред да трепнам со око.

Знам дека еден ден ќе ме напуштат поради жените кои ќе им ги украдат срцата. Тоа ќе бидат жени кои нема да имаат спомени од нив кога биле деца, кои не ги гледале како растат и кои нема да знаат низ што сè минале.

Тие нема да знаат дека дадов сè од себе за да им помогнам на моите момчиња да израснат во здрави, одговорни, добри и чесни мажи.

Знам дека еден ден мои синови ќе го напуштат домот и тоа е во ред.

Но, сакам да знаат дека нивната мајка секогаш ќе биде тука за нив и да разберат дека нивната мајка нема секогаш да биде единствената жена во нивниот живот. И тоа е во ред.

Како мајка должност ми е да им дадам живот полн со безусловна љубов и поддршка и пријатни спомени.

Должност ми е да им помогнам во поставувањето на цели, да веруваат во себе, да ги спречам да прават грешки и да ги советувам околу важните одлуки.

Но, не е моја должност да им кажам кого да сакаат.

И кога ќе ја изберат жената на нивниот живот сакам да се грижат за неа и да ја сакаат со целото срце и безусловно.

Сакам да знаат дека е во ред да ја направат неа центар на својот свет. Во ред е да бидат секогаш тука за неа и да ја направат своја една и единствена.

Не сакам да чувствуваат дека треба да бираат помеѓу мајката и жената. Сакам да знаат дека никогаш нема да чувствувам дека ми должат нешто или дека сакање на нивните жени значи дека не ме сакаат повеќе.

Должност ми е моите синови да го знаат вистинското значење на бракот и брачните завети.

Должност ми е да ја научат најважната лекција од сите – како да сакаат.“

С. С. | Црнобело