Плоштадот Свети Марко во Венеција и уште 13 најлоши туристички „замки“

Доколку сте патувале, тогаш добро сте запознати со туристичките места кои се преполни со туристи и имаат превисока цена. 

Многу често во овие ситуации можете да се почувствувате како да ви одзеле нешто, наместо како да сте добиле. Покрај тоа, целиот стрес воопшто не е забавен.

Иако некои од овие места се „полоши“ за разлика од другите, сепак постојат и оние кои вреди да ги посетите, и покрај сите недостатоци. Најдобро е да бидете подготвени, па затоа погледнете кои се некои од најлошите туристички замки во светот.

Пирамидите во Гиза

Секој ден, околу 5.000 луѓе ја посетуваат египетската пустина за да ги видат пирамидите. Можете да ја избегнете гужвата со камила, па дури и со хеликоптер. Но, доколку сакате одблизу да ги видите пирамидите, мора да ѝ се придружите на толпата.

Таџ Махал

Не е тајна дека Индија е преполна со луѓе, па се разбира, ниту Таџ Махал не е исклучок. Доколку сте авантуристи, можете да поминете од другата страна на реката Јамуна и да направите добра фотографија.

Можеби нема да ви се допадне мирисот од канализацијата, но барем ќе бидете сами.

Стариот град, Прага

Како една од најпопуларните дестинации во Европа, калдрмите на Прага се преполни со туристи кои сакаат да го видат стариот град.

Ако сакате да се ослободите од гужвата, поминете ја В'лтава и посетете некој од многуте паркови на спротивниот брег. Одовде многу подобро ќе го гледате градскиот пејзаж.

Забранетиот град, Кина

Иако ова место било со векови затворено за странците, денес Забранетиот град е една од најпопуларните туристички дестинации. За да ги избегнете гужвите, најдобро е да отидете таму половина час пред да ги отворат портите и да бидете помеѓу првите посетители.

Кривата кула во Пиза, Италија

Навистина е чудно како едно вакво лошо изработено архитектонско дело може да издржи толку многу. Доколку морате да ја видите кулата, подгответе 15 евра за чекање во долга редица, за само да се качите и да се симнете од кулата.

Стоунхенџ, Англија

Доколку планирате да го видите Стоунхенџ, не заборавајте да понесете и двоглед. Бидејќи местото е секогаш преполно со туристи, веќе не можете да му се приближите. Но доколу сте љубител на историјата, вреди да го видите.

Нијагарините Водопади

Комерцијализацијата и брзиот раст на туристичката инфраструктура, особено на делот на Канада, ги направија Нијагарините Водопади вистинска туристичка замка. Паркирањето и чекањето во редица денес можат да одземат многу време.

Уште 7 замки на следната страна...