Градови кои вреди да се посетат во Холандија, иако не се толку популарни како Амстердам

Доволно е да се спомене Холандија и прво што ќе ни падне на памет е Амстердам. Свесни сме дека овој холандски град претставува слика за место кои многумина сакаат да биде дел од нивните патувања.

Поточно, да се издуваат на секој можен начин. Изборот што го нуди Амстердам е на завидно високо ниво, така што за секого има соодведно место и занимација.

Од дремење во кафулиња, истражување на канали, ѕверење во излози на Ред Лајт Дистрикт или посета на некој од музеите. Но, кога веќе патиштата ве водат натаму, тогаш дајте им шанса и на другите градови во Холандија.

Нема да погрешите со некој од овие 3:

Гронинген е град со најчист воздух во Холандија, ама тоа воопшто нема да нè зачуди ако знаеме дека речиси две третини од луѓето што живеат таму користат велосипед како свое превозно средство.

Исто така, Гронинген е втор најдобар студентски град во Холандија, а можеби еден од најбезбедните. Со популација од 200.000 жители, овој холандски град ќе ви овозможи интересен ноќен живот, а некои ноќни клубови работат и по 24 часа.

Утрехт или град на културата со еден од најпознатите универзитети во Холандија е дом на повеќе од 340.000 луѓе. Голем дел од нив користат електрични автомобили и секако, велосипеди.

Истиот град според BBC Travel пред некое време е прогласен за еден од најсреќните градови во светот. Не знам дали е поради тревата или нешто друго, но во секој случај треба да се поминат неколку дена тука.

Ротердам е исто толку познат како и Амстердам, само што во првиот има значително повеќе модерна архитектура. Има населби каде куќите имаат форми на коцка, а пристаништето им е второ по големина во светот, после онаа во Шангај.

Поради големиот број на канали имаат воден такси систем, кој навистина е применлив во секоја ситуација. И како за крај, ако некогаш го посетите Ротердам, немојte да заборавите да ја пробате нивната пита од јаболко. Има гласини дека е најубава од цела Холандија.

Автор: Евгениј Хоуп | Црнобело