За сите гурмани кои сакаат да патуваат: 7 острови со највкусна храна

Некои од најпознатите светски плажи, нудат многу повеќе од само бисерно бел песок и кристално бистро море.

Поради големиот број на природни убавини кои ги поседуваат Санторини, Миконос или Сицилија, сите ја запоставуваат кујната на овие прекрасни острови.

Овие дестинации освен морската храна која ја имаат во изобилие, нудат и други вкусни јадења во кои ќе уживате поради егзотичните зачини и билки со кои се подготвува пилешко, мусака, салати и многу други јадења кои не сте имале можност да ги пробате.

Дознајте која храна е специјалитет на секој од овие острови и доколку во брзо време одите на некој од нив, подгответе се за незаборавно искуствo.

Бали

Најпопуларниот индонезиски остров за туристите е вистински рај на земјата. Уживањето ќе го надополни и гастрономската понуда која се базира на јадења чија основна состојка е ориз, а се комбинира со пилешко, говедско и со зеленчук. Вкусно и здраво.

Миконос

На овој прекрасен остров, исполнет со многу ресторани и клубови, најпознат специјалитет е Louza loukaniko, односно посебен вид на кобасици, како и Kopanisti, вид на козјо сирење кое потекнува од таму.

Санторини

Со оглед на тоа дека зеленчукот, овошјето и житариците растат на вулканско тло, целата храна на овој прекрасен грчки остров, има посебен вкус.

Со рибата задолжително пробајте го белиот домат, а за љубителите на месо препорачуваме Sutsukaki, ќебапи со домат и Souvlaki, ражничи со јагнешко.

Сицилија

Во Италија, посебно на островите, на храната и се посветува посебно внимание, а нешто што мора да пробате се Arancini, кои се продаваат зад секој агол, односно поховани топчиња од ориз, полнети со мелено месо и пршута во сос од домати.

Овде има голема низа на храна со богат вкус, како крокети – пржени топчиња од компир со зачини, или пицета, односно мини пица и уште многу други јадења кои ќе мора да ги истражите и вкусите.

Крит

На Крит може да уживате во сите традиционални рецепти на грчката кујна, како што се сармите од лозов лист и пити со спанаќ. Сепак, овој остров поседува и сопствен специјалитети како Dakos – вид на леб со домати, фета, маслинки и зачини.

А, љубителите на благо задолжително да го пробаат кремастото сирење, попрскано со шеќер во прав и цимет, а вкусот да го дополнат со одлично домашно вино, како што е Kotsifali.

Капри

Најпопуларен десерт на овој италијански остров е секако, сладоледот, а омилени вкусови се страчатела, бадем и лимон. Специјалитет на островот е пица со шунка и смокви. Би пробале?

Малдиви

Ако сте љубител на морската храна, ова е дестинација измислена за вас. Па, дури и ако сакате сами да ја уловите вечерата, имате можност за тоа, а куварите со задоволство ќе го подготват тоа за вас, секако со задолжителен прилог од сос со зачини.

М. М. | Црнобело