Неверојатни хотели во кои ќе сакате да се телепортирате

Сите имаме одредени преференции кога станува збор за одмор. Некои сакаат бунгалови, други мали куќички, трети обожаваат одмор во приколка или шатор.

Но, кога станува збор за добри хотели, едноставно не можеме да кажеме не. А овие 20, се толку неверојатни, што нема да верувате дека постојат.

Подводни зданија помеѓу корали, хотели изгубени во диви џунгли, мало кралство на мраз или хотел кој „виси“ сместен на карпа – кој е вашиот фаворит?

Attrap’Reves на Алпите, Јужна Франција

Замислете одмор во огромен „стаклен“ меур, изгубени во дивината на Алпите. Меурот е всушност изработен од проѕирен еластичен материјал кој не пропушта ултравиолетови зраци и штити од бубачки и влага. На располагање имате и телескоп за набљудување на ѕвезденото небо навечер.

Цените за ова уникатно „стаклено“ уживање во меурот започнуваат од 139 евра нагоре.

The Manta Resort на островот Пемба, Танзанија   

Пловечка мала куќичка со специјална соба под вода, која се наоѓа на оддалеченост од 250 m од брегот. Можете да пливате, да се сончате на „тремот“, а во подводната соба да се дружите со рибите, октоподите и медузите.

Цената во подводната соба изнесува околу 1000 евра дневно, а во делот кој плови над водата, околу 405 евра дневно.

Рoseidon Undersea Resort во Фиџи

Необичниот хотел вклучува 74 соби, од кои 25 се наоѓаат под вода на длабочина од 15 m. останатите апартмани се над водата. 50-метарски долг коридор ги поврзува подводните простории и се наменети за сите оние кои уживаат во набљудување и анализирање на подморскиот жив свет.

Цената на сместување изнесува 15.000 долари за еден или 30.000 долари за двајца (7 дена, односно 6 ноќевања).

Arctic TreeHouse Hotel во Рованиеми, Финска (Лапонија)

Арктичкиот хотел е составен од луксузни апартмани, сместени длабоко во густата шума, помеѓу дрвјата. Можете да уживате во магичната глетка на Аурора Бореалис или да го посетите селото на Дедо Мраз кое се наоѓа во непосредна близина.

Цените на изнајмување започнуваат од 850 евра за 2 дена.

Jumbo Stay во Стокхолм, Шведска

Хотелот е всушност сместен во авион Боинг 747-212B Џамбо Џет. Во 2008-ма, авионот е трансфомиран во хотел со 29 соби. Најскапата соба се наоѓа во делот околу пилотската кабина.

Цената за сместување изнесува околу 136 евра дневно.

Skylodge Adventure Suites во Урубамба, Перу

3 проѕирни капсули сместени на карпа, на висина од 120 m од земјата, кои се наоѓаат во Светата Долина во Андите - Перу. Алпинизмот и планинарењето се двете главни спортски активности во пределот.

Можете да уживате во неверојатниот поглед кој се протега низ Долината, а цената за ова задоволство изнесува 270 евра за 1 лице дневно (капацитетот на капсулата е 8 лица максимум).

Sheraton Huzhou Hot Spring Resort во Хузоу, Кина

Луксузниот хотел со прилично необична форма, вклучува 27 ката над водата и 2 под вода, со цел да се комплетира овалниот облик. Хотелот е рангиран во 10-те најскапи во светот.

Цената на сместување започнува од 200 евра дневно.

Inntel Amsterdam Zaandam во Амстердам, Холандија

Фасадата на хотелот ја сочинуваат скоро 70 „наредени куќички“, типични за поднебјето на Амстердам. Собите се уредени според инспирацијата која ја нуди локалниот регион.

Цената за изнајмување двокреветна соба изнесува 130 евра од ден.

Free Spirit Spheres во Ванкувер, Канада

Собите на овој хотел се дизајнирани како огромни висечки топки на дрвја, па практично може да спиете „на дрво“, а при мал ветер истите се нишаат.

Цената на сместување изнесува 155 евра за 1 вечер.

Тhe Boot Bed'n'Breakfast во Тасманија, Австралија

Во срцето на Тасманија, се наоѓа малото хотелче на 2 ката, во облик на чизма. Идеална е за романтични викенди за двајца, а цената за изнајмување изнесува 250 евра за двајца од вечер.

Уште 10 хотели на следната страна...