Каде во 2017-та? Предлог дестинации за вашата листа

Париз? Прага? Ако сте страсен патник и авантурист, тогаш сигурно веќе сте имале можност да ги посетите овие места. Ама, тоа не значи дека не постојат други нови интересни места кои вреди да ги разгледате.

Како пример, ви ги даваме следниве 17 епски места кои вреди да ги погледнете во 2017-та:

1. Јужна Кореја

Јужна Кореја е преполна со интересни национални паркови, планини, острови, места кои треба да ги видите. Плус сега се подготвуваат за зимските Олимписки игри кои ќе се одржат во 2018-та година.

Еден национален парк кој посебно вреди да го посетите е „Seoraksan“ каде се наоѓа и третата највисока планина во Кореја. Тука ќе најдете топли извори, храмови и места за пешачење.

Палатата „Changdeokgung“ е светски заштитена атракција на УНЕСКО која исто така, ако одите во Јужна Кореја, треба да ја посетите.

2. Република Маурициус

Прекрасен мал остров во Индискиот Океан со тиркизни води совршени за летни спортови, но и мали локални ресторани каде можете да уживате во типичната улична кујна и малку рум.

„Le Morne Brabant“ е место заштитено од УНЕСКО кое сведочи за непрестајниот отпор против робовладетелството.

Тука ќе ја најдете и геолошката формација позната како Седум обоени земји.

А, и ќе можете да уживате во малку шопинг под шаренилото на улицата со чадори.

3. Казахстан

9-тата најголема земја во светот не е позната само по Борат, туку и по прекрасната модерна и традиционална архитектура, но и невообичаената дивина.

Главниот град Астана е уште попознат и како најчудниот главен град во светот, бидејќи пред 20 години едвај постоеше, но во 1997-та беше ненадејно прогласен за главен град.

Катедралата на христовото вознесение во Алмати е изградена некаде помеѓу 1904-та година и 1907-та година и е единствената градба која го „преживеала“ земјотресот во 1911-та година.

Големото езеро кое лежи во подножјето на планините Тјен Шан и е заштитено од УНЕСКО е место каде ќе си ја одморите душата.

А, ако сакате да пливате заедно со локалните жители, тоа треба да го направите на Каспиското Езеро.

4. Кипар

Прекрасниот медитерански остров бил под влијание на многу антички империи, па нуди интересни туристички атракции кои вреди да се посетат.

Во пристанишниот град Киренија можете да крстарите со брод, да пливате или нуркате и да посетите замок.

Лимасол, вториот најголем град на островот ќе ви даде уникатна можност да се релаксирате со морска храна, жива музика и добро вино.

Курион ќе ви понуди интересен и уникатен поглед во минатото на Кипар.

А, ако сакате да влезете подлабоко во островот, тогаш можете да одите на јавање на коњи во селото „Pissouri“.

5. Латвија

Дали сте знаеле дека Латвија има бели песочни плажи, дека Рига е именуван како Европски центар на културата во 2014-та година?

Градското собрание на Рига има култна Куќа на црноглавите која е изградена во 1334-та, потоа уништена во Втората светска војна и повторно изградена во 1999-та година.

Покрај течението на реката Гауја можете да посетите над 500 културни и историски монументи.

Латвија, исто така, не е лошо место и да уживате во топлите летни денови.

А, во националниот парк „Kemeri“ ќе се почувствувате како да сте во некоја егзотична мочуришна бајка.

6. Еквадор

Сместен некаде помеѓу Колумбија и Перу, Еквадор има планини, тропска шума, плажи, вулкани, топли извори и секако, познатите острови Галапагос.

На островот Бартоломе, кој е дел од Галапагос, ќе се запознаете со многу ендемски видови како на копно, така и во вода. А, и ќе откриете што го инспирирало Дарвин да ја креира својата теорија за еволуција.

Вулканот Чимборазо е највисоката планина во Еквадор.

А, историскиот центар, Куенка е уште едно место заштитено од УНЕСКО.

7. Самоа

10 острови со вулкани, водопади, тропски шуми, природни базени за пливање и плажи. Ровот „To Sua“ е место исполнето со природни карпести базени каде можете да уживате во уникатно пливачко искуство.

Кристално чисти води ве чекаат и на островот Уполу.

А, за импресивна глетка кон водопади, треба да го посетите „Papapapaitai“.

8. Уругвај

Уругвај не добива толку многу внимание како својот сосед Аргентина, ама заслужува. Тоа е мал рај кој полека, но сигурно, напредува.

Можете да се прошетате по улиците на Монтевидео.

Исто така, и да уживате во ексцентричниот ресорт „Casapueblo“ во Пунта Балена.

Уште 9 места на следната страна...