23-те најфотографирани земји на Инстаграм
Секое око различно ја перципира убавината, но сепак луѓето заеднички се согласуваат дека постојат одредени места во кои се заљубува секое око.
Туристичката агенција „Jet 2“ направила едно интересно истражување за тоа кои земји луѓето најмногу сакаат да ги фотографираат.
Анализирајќи ги фотографиите објавени на Инстаграм тие ги добиле следните резултати:
23. Индија била објавена на Инстаграм повеќе од 13 милиони пати. Најпопуларен е Мумбаj, од каде потекнуваат една третина од фотографиите.
22. Убавите пејзажи на Сингапур биле претставени на оваа социјална мрежа 14.895.500 пати, но големите градови не се оние кои се најпопуларни. Најфотографиран град е Новена, со повеќе од 98.000 објави.
21. Малезија не е во топ 20, но има над 15 милиони објави.
20. Луѓето објавиле околу 16.870.900 фотки со хаштагот #Brasil, уште популарен е хаштагот за Рио де Жанеиро со повеќе од 17 милиони тагови.
19. Венецуела во Јужна Америка е уште попопуларна од Бразил, со околу 19 милиони објави. Доволно е само да ги погледнете фотките од познатите Ангелски водопади и да ви стане јасно зошто е тоа така.
18. Со 19.181.900 објави досега, прекрасните шуми и национални паркови на Канада се причината заради која таа се наоѓа на 18-то место.
17. Луѓето го искористиле хаштагот #Turkey повеќе од 21 милион пати. Од друга страна #Istanbul е уште попопуларен, со повеќе од 35 милиони тагови.
16. Шпанија е објавена на Инстаграм повеќе од 21.796.100 пати. Еден од најпопуларните настани е Ла Томатина, тепачка со домати во близина на Валенсија.
15. Луѓето ја објавиле Русија на Инстаграм повеќе од 21.924.300 пати. Нејзиниот главен град, Москва, е малку попопуларен со нешто повеќе од 22 тагови. Кремљ е нешто кое сите ги потсетува на магија.
14. Германија е една од најфотографираните земји во светот, со повеќе од 22 милиони објави со хаштагот #Germany. Нејзината богата историја и божиќните базари се она кои луѓето најмногу го фотографираат.
13. Со повеќе од 22.937.100 објави, Мексико е дел од местата кои луѓето ги сметаат за најубави. Секако, меѓу популарните места водат прекрасните плажи на Канкун со повеќе од 4 милиони објави.
12. Австралија била објавена до сега 23.455.500 пати. Земјата навистина е прекрасна а за нејзина промоција придонесува и официјалниот профил кој таа го има на Инстаграм.
11. Бахреин е првата земја од Средниот Исток која се појавува на листата. Бројка за нејзини објави изнесува 24.751.500 пати.
10. Три од 10-те најфотографирани земји се лоцирани на Средниот Исток, вклучувајќи ја Катар, која се наоѓа на 10 место со 25 милиони објави.
9. Обединетото Кралство се наоѓа меѓу 10 најфотографирани со 26 милиони објави, но хаштагот #London е најпопуларната дестинација со повеќе од 65 милиони објави.
8. Франција може да се пофали со бројка од 28 милиони објави. Секако најчест мотив на фотките од оваа земја е Париз и познатата Ајфелова кула со повеќе од 55 милиони објави.
7. Тајланд досега има бројка од 30.692.00 објави. Прекрасните песочни плажи и луксузните ресорти како Кох Мак се едни од најидиличните места кои луѓето ги инспирираат да фотографираат.
6. Кувајт е една од земјите кои добиваат сè поголема популарност. Со повеќе од 33 милиони фотки таа е една од најпосетуваните дестинации.
5. Обединетите Арапски Емирати се наоѓаат на највисоката позиција кога е во прашање земјите од Блискиот Исток, со повеќе од 34 милиони објави. Секако, Дубаи е местото кое најмногу им остава впечаток на сите
посетители со повеќе од 46 милиони објави.
4. Индонезија е втората најпопуларна азиска земја на Инстаграм со повеќе од 35 милиони објави. Културните обележја како храмот Ботобудур во централна Јава ја прават навистина инспиративна за фотографирање.
3. Без поголеми изненадувања, САД се меѓу топ 3, со повеќе од 40 милиони фотографии. Од големите градови како Њујорк до националните паркови, па се до местата како Големиот кањон - инспирацијата за фотографирање е неизбежна.
2. Јапонија е најфотографираната азиска земја во светот, со 41.522.300 објави. Шумите со бамбуси на Кјото се една од туристичките атракции која може да се види на многу фотографии.
1. Италија е земјата која се наоѓа на врвот на листата со повеќе од 50 милиони објави. Популарните туристички дестинации како Венеција, Рим и Пиза се местата кои на луѓето има оставиле најголем впечаток.
М. С. | Црнобело
Би можело да ве интересира:
Препорачуваме
Најчитани неделава
