8 најубави плажи во Албанија

Покрај водите на Јадранското и Јонското Море, се кријат најубавите плажи на брегот кој ѝ припаѓа на Албанија.

Иако е релативно нова летна дестинација, веќе има плажи на кои сите сонуваме еден ден да се најдеме.

Ова се 8 кои вреди да ги видите ако сте сместени во нивна околина:

1. Ksamil и околните островчиња

Тиркизна вода и песочни плажи кои слободно може да бидат конкуренција на егзотичните плажи, а секое патување до околните острови е шанса да откриете некоја дива плажа.

2. Himara

Ќе се зачудите од грчкиот шмек кој го имаат плажите во близина на Himara, но и ќе се воодушевите од кристално чистата вода.

3. Dhërmi

Најпопуларната плажа, без конкуренција, на која ќе најдете мешавина од ситен песок, до крупни карпи. Водата е чиста, со прекрасна сина боја, а веднаш покрај плажите има голем број ресторани и места за ручек и релаксација.

4. Jalë

Уште една плажа која во сезоната е туристичка атракција заради забавата која се нуди тука.

5. Borsh

Оваа плажа е спротивна на претходната. Место кое треба да го посетите ако сакате да уживате во природата и во релаксирачките звуци на морето, без гужва и галама.

6. Pasqyrat

Плажа која важи за скриеното богатство на Албанија. Добро, можеби не толку скриено, посебно во август, но е добро место за релаксација и поглед на чистата вода. Малку е подалеку од хотелите, но затоа е исклучиво чиста.

7. Golem

Најфреквентната плажа која е доволно широка и долга за да собере илјадници туристи. Покрај неа, како што е редот, има многубројни локали за оброк и пијалаци.

8. Orikum

Позната уште како плажа на јахтите, туристите кои еднаш ќе ја посетат, потоа се враќаат секоја година. Нуди ситен песок, тиркизна вода и локали со вкусна, традиционална храна.

М. Д. | Црнобело