Есенски тренд - Моќен изглед со кожни парчиња

Кожните јакни, чевли и чанти не се новитет, меѓутоа се задолжителни за есенските и зимските комбинации.

Доколку едноставно не ја сакате кожата, заменете ја со имитација – во секој случај парчињата облека кои се направени од материјал кои наликува на кожа изгледаат исто толку модерно.

Покрај стандардните кожни парчиња, оваа сезона во кожниот моден тренд се вклучени и кожни панталони, шорцеви, фустани, здолништа, па дури и накит. Во суштина, може да одберете како ќе ја комбинирате кожата – со крзно или чипка, со есенските црвени тонови, неутралните кремасти или пак вечно модерната црна.

Погледнете неколку безвременски, модерни комбинации кои можете да ги носите во било која пригода.