Јапонски изуми за убавина

Жените сешто ќе претрпат за убавина, а Јапонките се подготвени да ги испробаат разните гаџети кои им се нудат за подмладување, отклонување на...

...недостатоците или за релаксација.

Дали би ги пробале овие средства, кои на прв поглед потсетуваат на инструмент за мачење?

Гумена уста за бришење на борите

Калапот за уста се рекламира како едноставно решение за затегнување и опуштање на кожата на лицето. Доволно е велат производителите, три минути секој ден да се изведува усна гимнастика и мускулите на лицето ќе зацврснат, а борите ќе ги снема.

Бодликава направа за поубава коса

Специјална четка која служи за масажа на главата, релаксира и го поттикнува растот на косата, всушност преставува алат кој во Јапонија се користи за аранжирање на цвеќе.

Штипка која го „поправа“ носот

Овој производ им се нуди на жените како идеално средство својот профил да го направат уште поубав без посетување на пластичен хирург. Како што гледате на сликата, гаџетот потсетува на штипка за коса, а всушност е направа со чија помош може да се „поправи“ носот. Дизајнирана е така што прави притисок на четирите носни коски, но не е јасно на кој начин доаѓа до трајна промена на профилот.

Удирањето со кука опушта

Овој производ е направен за домашна шијацу масажа, а дизајниран е така што може да ги допре акупресурните точки на грбот. Направата, како што велат производителите, може да се носи и на работа, па кога сте напнати и ве боли грбот, извадете ја куката и дозволете си релаксирачка масажа.