Безброј љубовни пораки

Сакале да признаеме или не, забавувањето стана дигитално. Се флертува преку СМС пораки, чет, мејлови, за Фејсбук и да не зборуваме.

На страна да ги оставиме маните од ваквиот тип на комуникација, факт е дека секој вид на допишување го зголемува ризикот од неодговорени пораки, особено кога тие се долги и се составени под влијание на силни емоции.

Треба да се биде мудар. Основните правила на пристојност и убаво однесување не мораат да се сменат затоа што дошло до промена на технологијата, или затоа што модерните средства на комуникација сè почесто се користат во разни цели.

Жените очекуваат иста количина информации како од пораките така и од разговорот. Игнорирањето на клучните делови од пораките би било, едноставно речено, некултурно.

Кога ќе добиете долга порака од девојка, немојте тоа да го сфатите како последица од нејзината зборлеста природа (дури и ако е така). Таа од вас очекува иста постапка.

Кусиот и неинтересен одговор на километарсаката порака е една од оние работи кои ги лутат девојките (друга работа е предолгото чекање на одговор).

Испратете и некоја забелешка, или прашање во пораката која ќе биде долга барем колку половина од нејзината. Во спротивно ќе се запраша дали тоа го правите намерно за да ја откачите.

Ако сте зафатени, кажете и. Подобро така отколку да и одговорите незаинтересирано.

Девојките не треба да ги оставате да погодуваат каде сте и што правите. Доколку и вратите само колку да и одговорите, може да предизвикате непотребни сомнежи кај неа.