Секогаш исто

Ако оваа приказна ви звучи познато и ако е нешто што се однесува на вас, можно е секогаш да излегувате со ист тип на личности. Постојат разлики помеѓу нив, но тие се површни – козметички, би можело да се каже – а всушност вие постојано излегувате со иста личност. Бидејќи сте утврдиле дека таква личност не ви одговара, се разбира, секој пат сте разочарани.

Ваквото бирање на ист партнер не е ретка појава. Се случува во младоста некој да си создаде во себе идеја како би изгледал идеалниот партнер или партнерка – најчесто како пример им служат родителите - па подоцна бара личност која одговара на тој идеал.

Сега, ако најдете личност која што ќе одговара на тој идеал и со неа добро се сложувате, супер!

Но, може да се случи погрешно да сте си замислиле каква личност би ви одговарала како партнер или партнерка и слепо да се држите до тој шаблон, без разлика што се покажал како неуспешен.

Како да се реши ваквиот проблем? Размислете: дали тие квалитети што ви се допаѓаат во замислениот идеал создаваат сериозен маж или жена со кои би можеле да го поминете животот?

Дали навистина мислите дека е доволно да биде успешен кариериста или убава блондинка па со таква личност да го поделите животот? Ако одговорот е негативен, би требало да ги смените критериумите за избор на партнер.

Меѓутоа, вие целиот живот сте си замислувале дека оној вистинскиот/вистинската треба да бидат баш такви и сега не знаете како тоа да го измените! Немате идеја од каде да почнете!

Можете да се обидете со драстични измени: да речеме, пробајте со идеалиста, или со удобно облечена девојка која чита книга. Можеби тоа нема да биде она вистинското, но барем ќе ви даде идеја каква личност ви се допаѓа вам, се разбира за подолги патеки.

Среќно!