Како да победите во караница

Ако веќе не можете да ја избегнете расправијата - како паметно и сталожено да се изборите за она што го сакате? Со оглед дека никогаш не...

...планираме караница, а таа некогаш почнува сама од себе за почеток е битно да знаеме неколку факти.

Расчистете – за почеток сами со себе. Соберете ги потребните информации и пронајдете ја клучната реченица со која на личноста со која се карате би можеле да и објасните зошто и како сме дошле до заклучокот дека сме во право.

Аргументи – Доколку навистина планирате да се карате со личност која се слуша само себеси, а не вас. Одберете ги сите асови однапред.  Замолете ја личноста да ве сослуша и изнесете ги сите аргументи. Кавгата со аргументи е секогаш најдобра опција затоа што имате од што и со што да се одбраните.

Одберете зборови – Те молам, прости ми, повели, се само некои од волшебните зборови со кои можете да ја смирите кавгата. Без разлика дали сте вие виновни или не, секој збор што ќе го изговорите може да иам големо влијание.

Останете смирени – Личноста со која се расправате најмногу ќе ја извади од такт доколку вие сте смирени и не го повишувате тонот. Штом соговорникот ќе види дека вие сте на ниво, дека разговарате потполно смирено, во самиот старт вие сте тој кој веќе победил.

Предложете некое друго време – Сте имале напорен дена на работа, ве чека мноштво обврски и не знаете што попрво да завршите. Во тој случај најдобро е двајцата прво да се смирите и да ја одложите расправата за некое друго време. Во 91% случаи ситуацијата потполно ќе се смири и на крај нема да се расправате.

Понудете алтернатива -  Доколку се работи за љубовна кавга во која не се согласувате со некоеи непишани правила, секогаш обидете се да најдете компромис. Нешто со што двајцата ќе се сложите и кон што ќе се придржувате Доколку не можете да пронајдете ништо што би било прифатливо за двајцата, оставете си време да размислите.