6 причини заради кои луѓето ги изневеруваат партнерите и како да ги избегнете

Пред да ги обвините луѓето кои изневеруваат, сетете се дека можеби има причина за тоа, па за да не се најдете во таква ситуација, обрнете внимание на неколку фактори од кои зависи изневерувањето.

Луѓето најчесто изневеруваат заради некаков недостаток во врската, но, сепак тоа не е изговор и секогаш е најдобро прво да се обидете да ги решите проблемите.

Затоа, добро е да ги знаете најчестите причини за изневерување и да се обидете да ги избегнете во вашата врска:

Недостаток на страст во врската

Ова е најчестата причина за изневерување, според истражувањата.

Како да ја избегнете:

• Разговарајте со партнерот, бидете отворени за потребите
• Не се плашете да експериментирате
• Може да посетувате психолог доколку мислите дека проблемот е подлабок

Недостаток на емоционално задоволство

Ова може да биде многу опасно бидејќи ако некој од партнерите не чувствува емоционална интимност, може да си најде друг извор на среќа.

Како да ја избегнете:

• Работете заедно да создадете нешто значајно за вас како пар
• Бидете одговорни за делата, ако направите грешка, решете ги проблемите
• Балансирајте помеѓу работата и приватниот живот
• Почитувајте го мислењето на партнерот

Партнерот се заљубил во друг/а или веќе не ве сака

Ова е веројатно најболната причина, но љубовта понекогаш може да биде комплицирана и да ве изненади кога не очекувате.

Како да ја избегнете:

• Секоја врска има предизвици, никој не е совршен и прифатете го тоа.
• Бидете романтични со партнерот и не го запоставувајте.
• Преземете акција, добро е некој да ви ги исполнува сите желби, но мора некогаш и вие да направите нешто.
• Почитувајте ја независноста на партнерот, како и својата.
• Не ги форсирајте работите.

Љубопитност за нови искуства

Социјални мрежи, провокативни фотки, теретана, апликации за запознавање нови луѓе и онлајн состаноци – во денешно време секаде може да паднете во искушение да пробате нешто ново.

Многупати луѓето сакаат да видат дали уште се способни да заведат некого и сакаат да пробаат нови искуства.

Како да ја избегнете:

• Наместо да го контролирате партнерот, контролирајте се себеси и трудете се да не го запоставувате на ниту едно поле и научете што сакате од врската

Неспособност да се обврзат

За некои луѓе, врската не е само да се има физички партнер, туку е многу повеќе. Некои пак, се поотворени на ова поле и не им пречи да не се обврзуваат.

Како да ја избегнете:

• Овој проблем треба да го решите уште на почеток и да расчистите дали сакате традиционална или модерна врска. Ако не се согласувате, не продолжувајте понатаму.

На врската ѝ е потребно зачинување

И секако, кога врската ќе стане монотона, некои паѓаат на искушенија за да им се случи промена во врската, па мислат дека изневерувањето е решение.

Како да ја избегнете:

• Додадете малку жар во врската! Не ги оставајте работите монотони и не дозволувајте да стане здодевно. Кога ќе забележите дека имате недостаток на драма, зачинете ја врската со различни активности.

М. М. | Црнобело