Што сакаат девојките, а што зрелите жени?

Младите девојки „паѓаат“ на амбициозни и добро стоечки мажи, а во зрелите години жените очекуваат чувствителност. Сепак едно не се менува – жената секогаш бара партнер кој сексуално ќе ја привлекува.

Има добра работа, амбициозен е и згоден....Има ли нешто поубаво од тоа? Иако жените добар дел од животот го поминуваат сонувајќи го „идеалниот“ маж, порано или подоцна дамите стануваат свесни дека некои други квалитети се поважни.

Младите жени сакаат нивниот партнер  да биде успешен, богат и згоден, а во зрелите години бараат чувствителен маж кој ќе ги разбере нивните потреби. Годините и искуството го носат сознанието дека принцот на бел коњ не постои и жените на прво место почнуваат да ја ставаат емотивната близина со партнерот.

Истражувањето  во кое учествувале 9000 жени на возраст помеѓу 16 и 75 години, покажало дека финансиската состојба и амбициозноста се двата најважни фактори за младите жени, од кои дури половината признала дека сакаат партнер кој може да си дозволи да им угодува и да ги опсипува со подароци и внимание.

Четвртина од девојките кои учествувале во анкетата сакале врска со амбициозен маж кој гради успешна кариера. Жените во позрелите години, сакаат некој кој ќе им пружи сигурност и разбирање и ќе биде покрај нив кога им е тешко.

Анкетата спроведена на некои сајтови, посветени на семејството, покажала дека младите девојки повеќе обрнуваат внимание  на физичкиот изглед на потенцијалниот партнер.

Сепак без разлика на годините, жените се сложуваат дека сексуалната привлечност е неопходен елемент за една врска. Жените во педесеттите години подеднакво ја вреднуваат сексуалната привлечност на партнерот како и помладите испитанички.