Знаци дека вашето момче никогаш нема да порасне

Пред да стане премногу сериозно помеѓу вас и се да сè заврши со потпис поради кој ќе зажалите проучете го партнерот малку подетално... Постои одредено...

...време на прилагодување на двајцата партнери, особено ако се на почеток од врската.

Но, постојат луѓе кои не сакаат да прифатат нови работи и да ги менуваат навиките бидејќи ним им е сосема во ред нивното однесување иако е далеку од тоа.

Воочете ги знаците на незрелост пред да биде доцна.

1. Неограничено троши. Да се биде возрасен значи да се жртвуваат некои работи како на пример да не се потроши целата плата на најновиот плеј-стејшн или на уплата за Шпанија што ќе се отплатува во текот на целата година. Ако мажот нема чувство за финансии, веројатно никогаш нема ни да ги има.

2. Не помага. Кога имате гости, никогаш не станува од столот за да ви помогне да ги однесете садовите во кујната. Веројатно ги повикал пријателите само за да им покаже дека е во среќна врска. Тој не знае да се грижи за другите, очекува само тие да се грижат за него.

3. Никогаш не се грижи за вас. Имате грип или сте го шинале зглобот, а тој само ви вели: „Ма не е тоа ништо страшно“. Не ви се јавува за да ве праша дали нешто ви треба или пак да ви прави друштво? За него нема проблем, па зошто би се грижел...

4. Не се меша. Ако некој е безобразен со вас, ве остава вие самите да се погрижите за тоа и да се одбраните. Веројатно не сака да се нервира поради ситници и да си го расипува доброто расположение...

5. Не планира. Секогаш вие правите планови затоа што нему не му е ниту на крај памет тоа да го направи и го потсетувате на обврските. Тој од една страна ви е благодарен за совршената организација, но знајте дека никогаш нема да преземе иницијатива и да се сети дека треба да си ја земе облеката од хемиско чистење на пример.

6. Брза со сексот. Ако брза со предиграта па потоа и со сексот, па на крај сака што побргу да заспие тоа значи дека не ги надминал анималните инстинкти за задоволување на своите потреби. Тој едноставно не ве доживува како суштество со потреби.

7. Постојано е исклучен. Ако се наоѓате на најдосадната вечера со вашите родители, многу е незрело да се седи, да се гледа во празно и да се чека јадењето. Секој возрасен човек има некои одговорности во социјалните случувања, а неговата неволност може само да ви предизвика непријатности.