Глутенот е штетен и уште 7 популарни митови за храната

Освен ако немате целијакија или друг проблем со здравјето, нема потреба да го избегнувате глутенот бидејќи не е воопшто штетен. Дали верувате во некој популарен мит за храната?

Митовите за храната се сеприсутни, а пред развојот на науката, не ни имало начин како да докажеме дека се погрешни.

Па, не е никакво изненадување што многумина веруваат во стари митови кои денес се побиени.

Во продолжение, неколку популарни митови и верувања за храната и вистината зад нив:

Кавијарот отсекогаш бил луксузен деликатес

Денес кавијарот е еден од најскапите деликатеси и може да достигне цена до неверојатни 35,000 долари за килограм.

Но, ова не било отсекогаш вака.

Најдобриот кавијар се добива од рибата есетра, а оваа риба не била воопшто ретка во 19-тиот век.

Во Америка, кавијарот бил толку достапен, што наводно го нуделе во барови, и тоа бесплатно, како додаток со пијачката.

Во Европа, пак, рибарите го фрлале кавијарот или го користеле како храна за свињи.

Денес овие риби се на раб на истребување поради претераното ловење, но и уништувањето на нивните живеалишта од страна на човекот.

Кафето отсекогаш било популарно

Денес ретко ќе најдете личност која не пие кафе, но во минатото ретки биле оние кои уживале во пијалакот.

Кога кафето се појавило во Европа, според некои записи, Британците го нарекувале „горчлива и смрдлива вода“.

Сепак, со текот на времето луѓето си го менувале мислењето, почнале да се појавуваат и нови видови на приготвување, па денес ова е најпопуларниот пијалак во светот.

Замрзнатиот зеленчук не е здрав колку свежиот

Точно е дека има разлика во вкусот кога приготвувате замрзнат и свеж зеленчук.

Но, кога станува збор за хранливите материи, генерално не е многу важно дали зеленчукот е свеж или замрзнат.

Истражување од 2017 година покажало дека не само што нема голема разлика во хранливите материи, туку и дека во некои случаи, замрзнатиот зеленчук содржел повеќе витамини и минерали од свежиот.

Слични резултати се добиле и за замрзнато и свежо овошје.

Кокосовото масло е поздраво од сончогледовото

Постои верување дека сончогледовото масло е штетно. Во реалноста, ако сте умерени, ова масло нема да ви предизвика никакви проблеми.

Сепак поради ова верување, многумина сметаат дека кокосовото масло е подобар избор.

Калориската вредност на кокосовото и сончогледовото масло е иста. Иста вредност има и маслиново масло.

Најголемата разлика е во заситените масти – кокосовото масло има многу повеќе од сончогледовото. Исто така, кокосовото масло има помалку мононезаситени масти.

Што значи, кога ќе ги споредите сите карактеристики, не е многу важно дали ќе користите кокосово или сончогледово масло, сè додека сте умерени.

Нормално, ако имате некаков проблем со здравјето и добиете препорака за одреден вид масло, треба да го слушате вашиот лекар.

Продолжува на следната страница...