Од сиромаштија до најголема ТикТок ѕвезда – кој е Каби Ламе, момчето кое ги исмева бесмислените популарни трикови?

ТикТок е можеби најпопуларната социјална мрежа помеѓу младите и овде навистина можете да видите сè и сешто. Но, ниту еден корисник не може да се спореди со незаменливиот Каби Ламе, кој го освои светот со неговите саркастични видеа, во кои не кажува ниту збор.

Наводно, моментално Каби е втората најследена личност на ТикТок, а дефинитивно го заслужи тоа. Младото момче се прослави со кратките видеа во кои им се потсмева на глупавите и бескорисни „животни трикови“ кои почнавме да ги гледаме насекаде.

Во неговите видеа тој пушта снимка од „трикот“, а потоа, со неговата препознатлива саркастична реакција, покажува зошто тој трик е бесмислен и како може да се направи на обичен начин.

@khaby.lame

#LearnFromKhaby #ImparaConTikTok #LearnWithTikTok

♬ suono originale - Khabane lame

Моментално Каби има 84,2 милиони следбеници на ТикТок, а неговите видеа имаат дури 1,2 милијарди допаѓања. На Инстаграм, пак, има 27,7 милиони следбеници.

Но, кое е ова момче со одлична смисла за хумор и како стана една од најпопуларните личности на ТикТок?

Каби Ламе, чие вистинско име е Кабане, е роден на 9 март 2000 година во Сенегал. Кога наполнил една година, неговите родители се преселиле во Италија, каде што живее и денес.

Пред популарноста, Каби бил како и секое момче на негова возраст – одел на училиште и многу сакал да игра фудбал и кошарка. Откако завршил средно, се вработил во фабрика за производство на дигитална опрема, а откако останал без работа се соочувал со многу финансиски проблеми.

По отказот, тој се вратил во домот на родителите и иако татко му го терал да си најде нова работа, Каби решил да почне да снима и објавува видеа на ТикТок.

Видеата што ги објавувал пред да стане популарен имаат текст на италијански, а и кога Каби зборува нешто, го кажува тоа на италијански.  Овие видеа, заедно со голем дел од поновите, се снимени во неговата спална соба којашто уште ја дели со неговиот брат.

Со текот на времето Каби успеа да собере околу 2 милиони следбеници на ТикТок, но во април годинава, кога почна да снима видеа со смешни реакции на бескорисни трикови, Каби стана ѕвезда преку ноќ.

Неговите видеа почнаа да се споделуваат и на Фејсбук и на Инстаграм, па за помалку од еден месец, Каби собра повеќе следбеници од најпознатиот тиктокер во Италија – Џанлука Ваки – кој има околу 18 милиони следбеници.

Сега, со 84,2 милиони следбеници ТикТок, Каби е втората најпопуларна личност на социјалната мрежа и многумина предвидуваат дека ќе ја надмине и Чарли Д'амелио и нејзините 119 милиони следбеници.

Популарноста му помогна на Каби да ги надмине финансиските проблеми, но вели дека уште нема доволно пари за да си ја исполни најголемата желба – да ѝ купи куќа на мајка му.

Каби вели дека почнал да ги прави видеата само затоа што сакал да ги насмее луѓето, исто како неговите идоли Вил Смит и Еди Марфи.

21-годишното момче се надева дека еден ден ќе стои рамо до рамо со нив. Дотогаш, сигурно можеме да очекуваме уште многу забавни содржини од талентираниот Каби.

Во продолжение дел од најсмешните и најпопуларните видеа на Каби:

@khaby.lame

Qualsiasi lavoro fai, devi sempre pulire, ma con semplicità. ?Every job you have,just keeping everything tidy,but with simplicity.##learnfromkhaby

♬ suono originale - Khabane lame

@khaby.lame

All right, just let me brush my teeth.?Ok fatemi lavare i denti!! ? 50 million followers Thanks!#learnfromkhaby #ImparaConTikTok #LearnWithTikTok

♬ suono originale - Khabane lame

@khaby.lame

Let’s eat ? But I don't like seeing you make your life harder. Mangiamo ? ma non mi piace che ti complichi la vita.#learnfromkhaby #LearnWithTikTok

♬ suono originale - Khabane lame

@khaby.lame

#??Perfavore non fare questo con la Pizza?? #??Please don’t do that with Pizza ?? #LearnFromKhabi #LearnWithTikTok #ImparaConTikTok #pizza

♬ suono originale - Khabane lame

@khaby.lame

Cm on bro ??????????!! #learnfromkhaby #learnwithtiktok #imparacontiktok #khabylame

♬ suono originale - Khabane lame

@khaby.lame

Easy ?

♬ suono originale - Khabane lame

@khaby.lame

Bro, I’m already at lunch ?Bro, Sono già al pranzo ?#tomuchtime #troppotempo#learnfromkhaby #learnwithtiktok

♬ suono originale - Khabane lame

@khaby.lame

Lol ??‍♂️ #learnfromkhaby #LearnWithTikTok #ImparaConTikTok

♬ suono originale - Khabane lame

Спирова С. | Црнобело