Инженери, физичари, композитори – Деца генијалци на 21-виот век

Дакота Фенинг

И Холивуд крие неколку генијалци, а овде спаѓа актерката Дакота Фенинг. На само 5 години таа веќе водела разговори како возрасна личност, а тој период мајка ѝ ја запишала на часови по глума.

На 7 години, младата актерка беше номинирана за најдобра споредна улога за Screen Actors Guild Award, станувајќи најмладата личност што ја добила таа номинација.

Денес Дакота има 26 години, а зад себе има актерска кариера на која завидуваат и најдобрите холивудски ѕвезди.

Џудит Полгар

Џудит се смета за еден од најдобрите шахисти на сите времиња.

На само 15 години таа ја освои шаховската титула Grand Master, а во 2002-ра успеа да го победи и најпознатиот шахист во светот - Гари Каспаров.

Тејлор Вилсон

Тејлор, роден во 1994-та, бил вљубен во нуклеарната физика и на само 14 години направил реактор со нуклеарна фузија. Тој е најмладата личност која направила нешто вакво.

Алма Дојчер

Алма е родена во 2005-та и денес е пијанистка, виолинистка и композиторка. Таа почнала да свири пијано на 2, а виолина на 3 години. Почнала да компонира на 4-годишна возраст, а на само 7 години компонирала цела опера.

До денес таа е автор на бројни сонати, опери и концерти, а неретко ја споредуваат со генијалниот Моцарт.

Спирова С. | Црнобело