Секоја Нова година правите 10 грешки заради кои плановите за следната не ви се исполнуваат

Како по непишано правило, секоја Нова година си зацртуваме нови цели и планови за да почнеме „нов, поубав живот“.

Правиме планови и цели листи на задачи кои сме убедени дека од 1-ви јануари ќе бидат започнати. Но, секогаш нешто тргнува наопаку.

За да не собирате бес, негативни емоции  и фрустрации, поправете ги основните 10 грешки.

За следната година конечно да тргне „на десна нога“, грешки кои не смеете да ги повторите:

1. Не сте доволно самостојни кога ја правите листата на желби

Слушајте ги сопствените потреби. Прецртајте ги сите желби кои реално не се ваши, туку се под влијание на блиските. Избегнувајте трендови. Откријте што е тоа што вам ви е потребно.

2. Сакате сè да биде совршено, на некој начин

Претераниот перфекционизам е сигурен пат до неуспех. Црпи енергија целејќи кон идеалното, а идеалното не постои. Застанете за момент и намалете со строгоста. Дозволете си да направите грешки. Во спротивно, ризикувате да стоите во место.

3. Поставувате високи цели, но немате план

Ако го раздвоите големиот план на повеќе помали, многу ќе биде полесно да ја постигнете крајната цел. На пример, ако ви е цел да ослабете 12 килограми во текот на следната година, не останувајте само на тоа. Направете план – што ќе јадете, какви промени во секојдневието ќе внесете, кога ќе вежбате, каков спорт ќе пробате...

4. Го „џвакате“ минатото

Да, познатото може да биде прилично сигурно. Градењето нови планови може да биде страшно. Но, ако чувствувате дека оваа година не направивте ништо големо и значајно, до што се држите? Излезете надвор од комфорната зона и престанете да го повторувате минатото.

5. Претерувате со „сакам да почнам нов живот“

Понекогаш сакаме се да промениме од корен и тоа е во ред. Но, драматичните промени може да бидат неуспешни, бидејќи ништо не се случува преку ноќ. Правете чекор по чекор. Ако се движите со мали чекори ќе сфатите дека сте многу поблиску до целта.

6. Се критикувате самите себе и затоа се откажувате

Не го оценувајте секој обид како „уште еден неуспешен“. Ова не ви помага никако, освен што ве прави изморени и беспомошни. Намалете со строгоста кон себе. Имајте разбирање, дајте си нова шанса.

7. Склони сте на одложување

Се супер испланиравте, но не може да почнете од денес, четврток е, а се почнува од понеделник. Па, најдобро да почнете од следниот. И така цел живот.

8. Не се мотивирате самите себе

Визуелизирајте го планот и сонот кој го имате. Не се будете со помислата „ете, повторно е облачно“. Најдете причина која ќе ве натера да скокнете од креветот со ентузијазам за новиот ден.

9. Премногу зборувате за плановите

Поставувањето нови цели треба да бидат ваша лична одлука, а не тема за разговор и објаснување со пријателите, колегите, семејството.  Колку помалку зборови – толку повеќе достигнувања.

10. Ви недостасува храброст да ги воочите проблемите

Честопати од различни причини не можеме да ги воочиме сопствените проблеми и недостатоци. И како последица на тоа не сме свесни зошто плановите и идеите не ни успеваат. Затоа, од следната година почнете да водите искрена листа каде сте згрешиле. И каде нема да погрешите следен пат.

М. Д. | Црнобело