Денес е Интернационалниот ден на апостолките - Време е да го облечете омилениот пар
Секоја година во третата недела на јуни, петокот е резервиран за Интернационалниот ден на апостолките.
Оваа година се паѓа токму денеска, а специјалниот ден се прославува уште од 2007-та година, кога „Tropical Smoothie Cafe“ го создале овој „празник“ во чест на нивната 10-годишнина од основањето.
Секој од посетителите кој ќе дојде во апостолки на овој ден ќе биде почестен со овошно смути, но приказната не завршува тука.
Локалот заедно со клиентите има хумана мисија, која опфаќа собирање донации. Потоа, ги испраќа децата и родителите во кампот „Sunshine“ во Мејн, чиј фокус е насочен кон надминување на последиците од болест која е опасна по животот, на оние кои се соочиле со овие трауми.
Програмата во кампот е целосно бесплатна за семејствата на кои им е потребна ваква помош и ментална рехабилитација.
Забавно и хумано, навистина не треба многу напор за да се направи добро дело, а зошто да не се вклучи нешто лесно и практично како апостолките?
Кога сме веќе кај нив, зарем има човек што не ги сака апостолките и не поседува барем еден пар во својот плакар?
Време е да ги извадиме нашите омилени летни „обувки“ на сонце или да си направиме едни уникатни апостолки...
(О)Милена | Црнобело