Евтин и корисен: За што сѐ е добар вазелинот?

Вазелинот е производ кој често се потценува иако овој евтин и едноставен гел може многу да направи за секој од нас.

Тој е основа на многу скапи креми, но дали воопшто знаете за што сѐ вазелинот можете да го употребувате?

Погледнете за што може да ви се најде токму вазелинот:

Полни усни

Вазелинот е еден од најдобрите средства за хидратација, па слободно можете да го користите како балсам за усни. Вашите усни ќе бидат негувани, хидрирани и сензуални.

Прекрасни долги трепки

Ако сакате вашите трепки да бидат долги и негувани, искористете една стара, претходно исчистена четка за маскара и намачкајте ги трепките со тенок слој на вазелин. Постапката повторувајте ја неколку дена по ред, а промената ќе ја забележите веднаш.

За отстранување на шминка

Доколку имате чувствителна кожа и реагирате на препаратите за отстранување на шминка, тогаш вазелинот е совршен за вас. Тој не само што нема да предизвика никаква реакција на вашата кожа, туку и ќе ја отстрани сета шминка за кратко време.

После депилација

Кожата после депилација е црвена и иритирана, па затоа тој дел намачкајте го со вазелин и црвенилото ќе исчезне за брзо.

Испукани врвови

Ако косата ви е подготвена за шишање, а вие ја пуштате и не сакате да ја кратите, тогаш употребете вазелин. Намачкајте ги краевите со малку вазелин и привидно ќе ги прекриете испуканите краеви и ќе го одложите шишањето.

Ставање обетки

Ако понекогаш ставањето и вадењето на обетки ви предизвикува болка, намачкајте ги дупчињата со малку вазелин и болката ќе исчезне.

За што уште се користи вазелинот?

Вазелинот го спречува оштетување на кожата предизвикано од влијанието на ветрот, ги спречува кожните алергии, намалува грозниците, хемороидите, се користи како интимен лубрикант. Со него лесно ќе ја отстраните гумата за џвакање од косата, ќе го извадите заглавениот прстен, а ако сте алергични на полен намачкајте малку вазелин на ноздрите, со што ќе го спречите вдишувањето.