Хајнекен, чиста 10-ка повторно! Реклама која изнуди илјадници насмевки!

Како ви се чини идејата да пеете божиќни песни пред најблиските пријатели во караоке бар и одеднаш вашата изведба да стане концерт пред илјадници?

На огромен видео бим за време на професионален кошаркарски натпревар, на најпознатиот Тајм Сквер и на речиси секој екран во такси возилата низ Њујорк?

Хајнекен им даде шанса на неколку среќници да бидат снимени на новогодишното караоке шоу како дел од нивната кампања.

Ги поканиле на снимање за нова реклама со караоке која им рекле дека ќе се емитува на големите видео екрани на Тајм Сквер, но дури по една недела.

Сите кои биле избрани дошле со неколку пријатели во пријатно студио кое личело на караоке бар. Најпрво на еден екран избирале кои песни ќе ги пеат според гласањето на Американците. Најбарана божиќна песна била „Jingle Bells“ со 31 % од гласовите, потоа песната „Winter Wonderland“ со 20 % и „Аll I want for Christmas is you“ со 13 %.

Останатите 56 % од Американците сметале дека е непријатно пеењето пред илјадници луѓе. Откако почнале да пеат, за многу кратко време биле тргнале сите платна околу и им биле покажани сите екрани со местата каде што се прикажуваат.

Толку биле шокирани што некои од нив престанале да пеат. Имале можност за да изберат дали ќе продолжат да пеат.

Повеќето се откажале, но оние кои продолжиле навистина биле воодушевени, а исто и оние кои ги слушнале. Вистинска Хајнекен магија.

Погледнете го видеото: