Тажната приказна на втората љубовница на Чарлс, што сите ја заборавија - била опседната со него, не криела дека имаат афера

Откако ја прекинала врската со Чарлс, таа се посветила на семејството, но била мошне несреќна. Во 80-тите години ѝ бил дијагностициран рак на матката со кој долги години се борела, за во 1996-та година да ѝ биде кажано дека ја победила подмолната болест. По ова таа морала да оди на рехабилитација каде се одвикнувала од лекови за смирување болка.

Додека била на клиниката за рехабилитација Канга паднала од прозорец и го скршила ‘рбетот. Додека закрепнувала таа тврдела дека некој ја турнал, но сите сметале дека најверојатно измислува и всушност самата скокнала.

Само неколку недели по фаталниот пад, нејзиниот сопруг ѝ соопштил дека сака развод, а потоа следел и финалниот удар.

Додека возела кон имотот на село Канга била уапсена и задржана во полиција затоа што почнала да фантазира дека некој се обидува да ја убие.

Го загубила принцот, се развела и останала без покрив над глава. По разводот со сопругот, одлучува да се пресели во хотелот Риц, но она што јавноста не го знаела е дека зависноста од лекови, Канга ја заменила со зависност од алкохол.

Според написите од тоа време Канга во последните месеци од својот живот била опседната со принцот Чарлс. Така, во една прилика во јули 1997-ма година, таа била забележана како со инвалидска количка го брка Чарлс на поло меч за да разговара со него.

Во тоа време Чарлс го тресеа скандали по разводот, а потоа и смртта на Дијана и тој во една прилика изјави дека со Канга се слушаат еднаш или двапати годишно, но дека повеќе не се пријатели како што биле во минатото.

По ова, Канга одлучила да отпатува во Индија каде се заразила со вирус и морала да се врати во Обединетото Кралство. Во својата татковина таа била веднаш хоспитализирана, но лекарите не успеале да ја спасат. Починала само два месеца пред да го дочека својот 50-ти роденден во ноември 1997-ма година.

Б. С. Б. | Црнобело