Роден е во Либан, сакал да биде хокеј играч – Кој бил Киану Ривс пред да стане ѕвездата од „Matrix“?

Првите важни улоги

Во 1989-та година, Киану успеал да си заработи улога во дури три филмови – „Parenthood“, „Life Under Water“ и „Bill & Ted’s Excellent Adventure“. Тој период актерот веќе го градел својот имиџ.

Можеби не ви се гледани филмовите, но сигурно сте налетале на „мемето“ подолу. Тоа е всушност сцена од филмот „Bill & Ted’s Excellent Adventure“, од пред 30-тина години.

Бил басист во рок-бенд

Кога не снимал филмови, актерот свирел бас гитара. Киану бил басист, но и придружен вокал на бендот Dogstar, и тоа од 1991 до 2002 година. Истовремено, тој бил и еден од основачите на бендот.

Бендот не постигнал некој значаен успех, но Киану вели дека сака да свири и денес.

Неколку успешни филмски проекти

Во 90-тите актерот веќе почна да добива препознатливи улоги. Тој се појави во филмови како „Point Break“, „Dracula“ и „My Own Private Idaho“, од кои сите беа доста успешни.

Иако тој период Киану сè уште не добил главна улога, режисерите и продуцентите почнале да го препознаваат.

Прва главна улога

Во 1994-та Киану конечно доби главна улога, и тоа во филм кој подоцна стана блокбастер. Актерот, заедно со Сандра Булок, ја имаше главната улога во акцијата „Speed“ – филм кој се смета за еден од најдобрите од таа година.

Гласини за врска со Сандра Булок

Кога двајца сингл актери соработуваат, гласините за романса се неизбежни. Истото се случи и со Киану и Сандра Булок. Сепак, и двајцата изјавија дека помеѓу нив немало ништо освен пријателство и соработка.

„Matrix“ го направи име што го знаат сите

Филмот „Matrix“, кој прерасна во трилогија, се смета за еден од најдобрите на сите времиња. Приказната, неверојатните ефекти и одличната глума се нешто што дотогаш беше невидено.

Самиот филм си доби дури четири Оскари, а улогата на Нео, на Киану му донесе бројни награди и номинации. Всушност, ова е филм за кој се зборува и денес, цели 20 години после неговата премиера.

А, актерот сигурно е горд што бил дел од таков уникатен проект.

Спирова С. | Црнобело