Океаните се сини поради сонцето и уште 6 интересни факти за океаните

Без вода нема живот, но колку навистина знаеме кога се океаните во прашање? Постојат многу интересни факти врзани за „големото синило“, а ова се најинтересните и најмалку познатите.

Океаните се сини поради сонцето

Многумина мислат дека бојата на океаните е сина бидејќи ја рефлектираат бојата на небото, но всушност вистината е дека водата апсорбира црвена и портокалова светлина а рефлектира сина. Ова се случува само на големи површини вода, колку повеќе вода толку посина боја. Затоа водата во чаша нема сина боја како океанот.

Притисокот на дното на океанот е екстремен

Екстремен како да ве газат 100 слонови истовремено. Зборуваме за притисок од 8 тона на квадратен инч - притисок толку интензивен што не постои опрема што може да го издржи.

Океанот е полн со злато

Верувале или не, секоја капка вода во океанот има во себе многу, многу мала количина злато. Нема да се збогатите ако се наводените, но ако се пресмета колку вода има во океаните на нашата планета, може да заклучиме дека тие се златен рудник - вкупно има 20 милиони тони злато.

Океаните се причината поради која имате интернет

Поголемиот дел од каблите што овозможуваат интернет низ целата земјина топка се наоѓаат под вода. Тие се поставени со помош на бродови изградени специјално за таа намена, притоа особено внимавајќи да се на рамна површина далеку од еко системот на океанот. Некои кабли имаат и посебна заштита, во случај да бидат нападнати од гладна ајкула.

Највисоката планина на светот се наоѓа (половина) под вода

Со оглед на тоа што океаните покриваат 70% од површината на земјата, ова тврдење има смисла. Мауна Кеа на Хаваи е вулкан кој половина е под вода, но ако ги ставите еден до друг со Монт Еверест, овој вториот ќе изгледа како мало ритче.

Монт Еверест е највисоката планина според надморска височина, но ако сметате од дно до врв, хавајскиот вулкан победува.

Најголем дел од кислородот на земјата доаѓа од океаните

Многу луѓе не знаат дека 70% од целокупниот кислород на земјата е всушност е продукт од отпадот на еден планктон. Овие организми создаваат кислород преку фотосинтеза и се многу важни за опстанокот на животот на оваа планета.

Рибите кои пливаат во Антарктикот имаат протеин што ги спречува да смрзнат

Не е изненадување дека водата на половите е прилично ладна. Сепак, и покрај тоа, одредени видови на риби живеат во тие води - овие риби имаат биолошка компонента наречена гликопротеин и истата ги одржува во живот, односно делува како природен антифриз. Протеинот не дозволува да се создадат ледени кристали во нивната крв.

A. Ш | Црнобело