Дечко ѝ загинал во сообраќајка, пробала да се самоубие: Трагичниот живот на Сиа

Сакала да изврши самоубиство

Сиа веќе беше влезена во музичките води кога имала проблеми со зависност.

Кога се чувствувала како да го достигнала дното, во 2010-та, Сиа ја напишала песната Breathe Me во која ја опишува својата болка.

Истата вечер, пејачката посегнала по својот живот.

Во интервју за Rolling Stone од 2018-та, таа се отвори за оваа вечер и мигот кога ѝ се вратила желбата за живот:

„Дел од мене сигурно сакаше да живее бидејќи во тој момент си помислив ’Надвор има цел свет, а јас не сум дел од него. Но, би сакала да бидам‘“.

Кога се премислила, веднаш ѝ се јавила на пријателка. Веќе следниот ден, пејачката отишла во центар за рехабилитација.

Има биполарно нарушување

Како за зависностите, пејачката отворено зборува и за нејзините проблеми со менталното здравје.

Таа вели дека мора да користи лекови за да ги контролира симптомите на биполарното нарушување.

Истовремено, смета дека нарушувањето кај не се развило бидејќи користела марихуана на само 13 години. Таа верува и дека донекаде е виновна генетиката – проблемите на нејзиниот татко.

Секако, мисли и дека проблематичниот однос со татко ѝ има некакво влијание.

По разводот, три години не можела да стане од кревет

Сиа се венча со Ерик Андерс Ланг во 2014-та, но нивниот брак траеше само две години.

Тогаш пејачката изјави дека самата поднела барање за развод поради разликите помеѓу нив.

Но, разводот имал ужасно влијание врз неа.

„Се разведов и ова ме исфрли од колосек. Поминав низ многу мрачен период и бев во кревет три години. Бев многу, многу депресивна. Тој период не можев да направам буквално ништо“.

Страда од хронична болка

Во 2019 година, Сиа откри дека е дијагностицирана со синдром познат како Ehlers-Danlos.

Овој синдром има влијание врз сврзното ткиво, предизвикува замор, а може да биде причина и за хронична болка.

„Страдам од хронична болка поради невролошка болест. Само сакам да ви кажам на сите кои страдате од болка, без разлика дали физичка или емоционална, ве сакам и не се откажувајте.

Животот е тежок. Болката е демотивирачка, но не сте сами“, гласи нејзината објава.

Спирова С. | Црнобело