Ретроплов - дали се сеќавате на професорот Балтазар? Поминаа 52 години од првата епизода…

Професорот Балтазар е хрватска анимирана телевизиска серија креирана во периодот од 1967 до 1978 година од страна на легендарните мајстори на анимацијата: Златко Гргиќ, Анте Заниновиќ и Борис Колар, во загрепското филмско студио Zagreb Film.

Анимираната серија брои вкупно 4 сезони, со 59 епизоди, а во 2011 година, сите епизоди беа дигитално преработени и снимени на ДВД изданија.

Цртаниот филм постигна неверојатен успех во следните години во многу земји покрај оние во поранешна Југославија, вклучувајќи ги Велика Британија, Германија, Данска, Финска, Франција, Израел, Италија, Холандија, Норвешка, Нов Зеланд, Португалија, Романија, Шведска, Шпанија, Иран, Грција, Канада и Зимбабве.

Професорот е научник, добронамерен човек, љубител на природата и сите живи суштества, заштитник, борец за доброто против злото, еколог, промотор на толеранција, мир и љубов, духовит, имагинативен, смирен и ненаметлив, корисен и пожртвуван.

Со помош на своите пронајдоци, тој им го олеснува животот на другите луѓе во Балтазар-градот. Цртан филм без насилство, без агресија, каде што сите проблеми се решени хумано и прифатливо во духот на главниот лик.

Дали се сеќавате на Балтазар и заразната мелодија? Можеби беше вашиот омилен цртан филм пред спиење? Време е за… Бал, Балтазар:

https://www.youtube.com/watch?v=HDFjM4GqdsA

(О)Милена | Црнобело