„Како на 45 години изгледам подобро од кога било во животот – кои се моите 5 правила?“
- Детали
- среда, 25 јануари 2023
„Грицкам по еден морков и две краставици од мојата градина секојдневно, а алкохол со оброкот избегнувам, затоа што тоа е како да сте јаделе двапати“, споделува Белинда Нортон (45) од Австралија.
Белинда Нортон (45) од Австралија вели дека во 40-тите години од нејзиниот живот изгледа многу подобро отколку во 20-тите и тоа благодарение на тоа што го променила начинот на живот во поглед на исхрана и вежбање.
Таа вели дека некои нејзини мали трикови ѝ помагаат да изгледа одлично во текот на целата година.
Белинда споделува кои се нејзините 5 правила:
Запомнете основното нешто е храната и избегнувањето на алкохол
Според мене 80% од изгледот на вашето тело се должи на храната, односно што внесувате во организмот е главниот фактор за вашето здравје и изглед.
Запомнете и дека пиењето алкохол за време на оброк е како да сте јаделе двапати.
Јадете колку што можете повеќе свежо овошје и зеленчук
Јадењето храна израсната во градината нема да влијае негативно на вашиот струк.
Јас грицкам по еден морков и две краставици од мојата градина секојдневно, тоа ми помага и во хидратација на телото и во губење на тежина и во намалување на нивото на шеќер во крв.
Движете се секој ден
Без разлика дали станува збор за пешачење, трчање, пливање или растегнување, вашето тело треба да е во движење секој ден.
Секој мускул и зглоб треба да го размрдувате на дневна база.
Квалитет, а не квантитет
Кога вежбате во фитнес центар на пример, не брзајте за да направите што повеќе движења, туку правете ги движењата полека и правилно, тоа има поголем ефект врз вашето тело.
Прифатете ја личноста што сте денес
Убаво е што се обидувате да го промените и подобрите физичкиот изглед, но прифатете кои сте денес и како изгледате.
Размислувајте како да ја подобрите енергијата, издржливоста и изгледот и здравиот живот нека ви стане рутина, но правете го тоа постепено и немојте да бидете исфрустрани.
С. С. | Црнобело
Би можело да ве интересира:
Препорачуваме
Најчитани неделава
