Модната дизајнерка Вивиен Вествуд почина на 81 година – работела до последен момент, светот на модата се збогува од неа
- Детали
- петок, 30 декември 2022
„Кралице на панкот. Ме научи да слушам и да сакам. Ќе ми недостасува најкул, најзабавната, најкреативната жена“ – напиша Бела Хадид по веста дека Вивиен Вествуд, легендарната модна дизајнерка, почина на 81-годишна возраст, мирно и опкружена со семејството.
На официјалната страна на Вивиен Вествуд објавија дека дизајнерката починала на 29 декември.
„Вивиен Вествуд почина денес, мирно и опкружена со семејството во Јужен Лондон. На светот му се потребни повеќе луѓе како Вивиен за да се направат подобри промени“ – стои во соопштението.
29th December 2022.
— Vivienne Westwood (@FollowWestwood) December 29, 2022
Vivienne Westwood died today, peacefully and surrounded by her family, in Clapham, South London.
The world needs people like Vivienne to make a change for the better. pic.twitter.com/YQwVixYUrV
Нејзиниот партнер, Андреас Кронтхалер, кој е моден дизајнер и креативен директор во нејзиниот бренд се збогуваше од својата сакана со изјавата:
„Ќе продолжам понатаму со Вивиен во моето срце. Работевме до самиот крај и ми остави премногу работи со кои ќе продолжам. Ти благодарам драга“.
И моделот Бела Хадид се збогуваше од модната дизајнерка, објавувајќи неколку фотографии со неа и напиша:
„Најдрага Вивиен, кралице на панкот. Од првиот ден кога те запознав до последниот ден кога те видов, ме тераше да се смеам, да слушам да учам и да сакам повеќе од денот претходно.
Засекогаш ќе ти бидам благодарна што бев во твојата орбита, бидејќи за мене, во модата и хуманоста, ти Вивиен, беше Сонцето.
За најкул, забавната, неверојатна, креативна, смела, интелигентна и легендарна личност што чекорела на Земјата... Мојата инспирација и идол во сите работи.
Почивај во љубов и мир. ќе ни недостасуваш. Ја праќам мојата љубов на драгиот Андреас и целото семејство. Таа беше сакана од многумина.“
Вивиен својот имиџ и име го изгради со контроверзниот панк и нов бран на стил во 70-ите години, а низ децениите ги облекуваше најголемите ѕвезди во светот на модата.
М. М. | Црнобело
Би можело да ве интересира:
Препорачуваме
Најчитани неделава
