„Бев исфрлена од ресторан поради мојот несоодветен топ - зарем вулгарно е ова? Без почит се!“

Детали

четврток, 22 декември 2022

„Тоа навистина изгледа како горен дел од бикини и навистина не можеш да излезеш во бар со него“, се дел од осудувачките коментари откако некогашната Мис на Финска се пожали дека била исфрлена од локал, поради непримерниот аутфит. Соодветно или непримерно?

Ерика Фелин од Финска, која беше и избрана за Мис на Финска во 2018 година, се пожали на Инстаграм за непријатната ситуација која ѝ се случила во локал во Хелсинки.

Таа вели дека за ноќно излегување со пријателите носела розов бралет со срциња, мини здолниште и високи потпетици.

Но, во еден миг ѝ пристапил човек од обезбедувањето на локалот и ѝ рекол дека ќе мора да го напушти затоа што е несоодветно облечена, иако претходно на при влез никој не ѝ кажал ништо.

Ерика вели дека е бесна и повредена затоа што тој јавно го критикувал нејзиниот избор на облека и ја обвинил дека го прекршила дрес кодот на ресторанот.

Таа вели: „Ако бев несоодветно облечена зошто тогаш воопшто прво ме пуштија да влезам? Јас знам дека моето тело предизвикува реакции, но навистина е тажно што вака ме истретираа во локал каде сум редовен гостин со години.“

Дел од следбениците ја поддржаа Ерика, додека други ја осудија дека навистина била непристојно облечена.

Дел од коментарите се: „Тоа навистина изгледа како горен дел од бикини и навистина не можеш да излезеш во бар со него“, друг пак „Тој аутфит е добар, но за на плажа“, „Комплетно непримерно за вечерно излегување во ресторан или бар“.

Инаку Ерика сака впечатливи изданија за ноќни излегувања, од кои споделува фотки на Инстаграм.

С. С. | Црнобело