„Нема ни да се сеќава“ - Мајка е мета на критики поради скапата прослава за 1-иот роденден на синот

Детали

петок, 18 ноември 2022

Што мислите вие – залудно потрошени пари или вистински повод за прослава, зближување и насмевки?

Сабина Мариот (28) од Австралија му организираше тематска роденденска прослава на своето 1-годишно синче Леон, со анимираниот лик Bluey, сино куче од детско шоу.

Таа вели дека планирањето на настани ѝ е професија, па 6 месеци ја планирала забавата со 70 гости.

Сабина откри дека роденденската прослава ја чинела околу 4.800 евра (се разбира таму цените се поинакви од кај нас).

Поради оваа сума, Сабина стана мета на критики од кои една гласи „Зошто го правиш ова? Само фрлаш пари, твојот син нема ни да се сеќава.“

На овие критики Сабина вели:

„Забавата не беше само за Леон, туку и за нас самите, нашите семејства и другите дечиња, сите го сакаат овој анимиран лик.

Како да заборавија луѓето дека бевме две години затворени поради пандемијата и не можевме да си ги гледаме и најблиските, зошто да не прославиме?

Ни беше задоволство да ги гледаме осветлени со насмевка лицата на дечињата.“

Кој е вашиот став?

Фотографии од роденденот:

С. С. | Црнобело