Американка (72) изгледа како млада девојка: „Не ми веруваат колку години имам, ме критикуваат за младешката облека“
- Детали
- вторник, 08 ноември 2022
72-годишната Кеико Гест од САД изгледа како млада девојка, а вели дека нејзиниот изглед се должи на добрата грижа за себе, но и младешката облека за која некогаш e критикувана.
Кеико Гест од САД има 72 години и тврди дека луѓето се шокирани кога ќе им каже дека не е млада девојка.
Кеико, која е популарна на Инстаграм и ТикТок, вели дека нејзиниот младешки изглед се должи на редовното вежбање, избегнувањето алкохол, како и консумирањето претежно сирова храна од растително потекло.
Кеико има речиси половина милион следбеници на ТикТок каде што споделува видеа со вежбање и јога. Одвреме-навреме таа споделува и видеа со танцување, а секогаш носи и „младешка“ облека која дополнително ја подмладува.
Сепак, Кеико истакнува дека честопати се соочува и со злобни коментари – некои луѓе ѝ велат дека не ѝ доликува на возраста да се облекува како млада девојка и да споделува видеа со танцување.
Но, таа е убедена дека луѓето се само љубоморни, па пробува да ги игнорира ваквите коментари.
Инфлуенсерката вели дека два-три часа неделно вежба гимнастика, оди на часови по танцување и балет и вежба со тегови. Таа сака да им покаже на луѓето дека можат да изгледаат одлично без разлика на возраста ако водат добра грижа за здравјето.
Моментално Кеико е сингл и вели дека ужива во овој статус.
„Луѓето ми велат дека изгледам одлично, но се држам понастрана од барови, па немам додворувачи. Одлично ми е и без маж во животот. Наместо тоа, се фокусирам на моето здравје. Уште од 30-тите приоритет ми е да бидам фит и ќе продолжам со тоа“.
Кеико признава дека на 50 години направила лифтинг на лицето и некогаш користи ботокс, но вели дека нема правено никакви корекции на телото и добриот изглед се должи на нејзината посветеност.
Кеико верува дека е инспирација за многумина – ги мотивира да водат добра грижа за себе, но и да не се плашат од годините.
Спирова С. | Црнобело
Би можело да ве интересира:
Препорачуваме
Најчитани неделава
