Маж од Австралија работи како ескорт за богати жени: „Ме најмуваат жени во брак, заработувам 10.000 долари месечно“

Детали

сабота, 17 септември 2022

Семјуел од Австралија работи како ескорт и вели дека живее навистина гламурозен живот благодарение на неговите богати клиентки, од кои голем дел се во брак. Тој открива детали за неговата професија и вели дека е задоволен, без разлика што многумина не би се согласиле со неговиот избор.

Семјуел Хантер од Сиднеј веќе две години работи како ескорт за богати жени. Тој оди на вечера со нив, некогаш и на луксузни патувања, а нуди и сексуални услуги.

Додека многумина не би се согласиле со неговиот избор на професија, Семјуел вели дека му овозможува да го живее луксузниот живот што го сака. 

Неговите клиентки се богати жени, па неретко му плаќаат и за луксузни патувања.  На пример, неодамна бил на 10-дневен одмор во Тајланд со повозрасна клиентка која му ги покрила сите трошоци.

Тој вели дека месечно има по околу седум клиентки, а од ова заработува и до 10.000 долари во еден месец.

За Daily Mail, Семјуел, кој е во раните 40-ти, вели дека има клиентки на секоја возраст, а најстарата имала 70 години.

Претходно Семјуел сменил многу работни места – работел во секс-шоп, а пишувал и блог за возрасни.

Тој вели дека животот на мажите во оваа индустрија е многу поразличен од оној на жените.

„Најголемата разлика е што жените можат да имаат и по неколку клиенти дневно, но јас имам само еден. Покрај тоа, мене ме најмуваат на подолг период – неколку часа, цела вечер или неколку денови“.

Семјуел открива и дека околу четвртина од неговите клиентки се во брак, како и дека повеќето имаат 40-тина години. Истовремено, голем дел од клиентките редовно ги користат неговите услуги.

Семјуел вели и дека е многу отворен за неговото работно место, иако е свесен дека многу луѓе го осудуваат. 

„Ѝ кажав и на мајка ми. На почетокот не ѝ се допаѓаше, но сега е во ред. Дури и се шегува на моја сметка“.

Семјуел истакнува и дека не прекршува никакви правила бидејќи проституцијата во Австрија е легална. Но сепак, сексуалните работници мора да работат самостојно и отворањето јавни куќи нелегално.

Според него, спротивно на мислењето на јавноста, луѓето со неговата професија можат да имаат врски, но тој одлучува да биде сингл.

„Моите клиенти треба да го видат најдоброто од мене. Тие не гледаат маж кој наутро само пие кафе и гледа во телефонот. И јас ја гледам најдобрата верзија од нив, а ова го нема во врските“.

Спирова С. | Црнобело