Мечка краде чоколатца од продавница, касиерот се крие зад каса: „Беше страшно, но и смешно“ (видео)

Детали

петок, 16 септември 2022

Мечка влегла во продавница во Калифорнија, а касиерот кој ја снимил вели дека иако бил исплашен, мечката „влегла неколкупати, имала добри манири и учтиво пробувала да земе само по едно чоколатце“.

Пред неколку дена, во 7-Eleven продавница во Калифорнија влегла мечка, а касиерот успеал да ја сними додека се обидувал да ја избрка.

54-годишниот Кристофер Кинсон работел трета смена во продавницата, кога забележал дека се отворила вратата, но не влегол никој.

Но, веднаш потоа забележал дека вратата ја отворила мечка која влегла во продавницата и почнала да краде храна од две гајби оставени покрај вратата.

„На почетокот бев изненаден. Видов дека се отвори вратата, но не видов човек, а потоа сфатив ѝ си реков ’Боже, ова е мечка‘“, вели касиерот.

Кристофер вели дека досега немал видено мечка во живо и се исплашил кога сфатил дека животното е многу поголемо отколку што му изгледало на фотографии.

Кристофер се тргнал на безбедно и ја оставил мечката да си разгледа во продавницата.

Иако ситуацијата е застрашувачка, Кристофер вели дека му било смешно тоа што мечката неколкупати влегла и излегла од продавницата и украла разни работи, а притоа изгледала учтиво.

„Изгледаше како учтиво да пробува да земе само по едно чоколатце, како да имаше добри манири“.

Ова се гледа и на видеото – мечката влегува во продавницата, си зема по неколку чоколатца, и повторно излегува.

Во заднина, пак, се слуша Кристофер кој ѝ се заканува на мечката и се обидува да ѝ објасни дека треба излезе, притоа користејќи и неколку пцости. Во еден миг, тој почнува и да се смее.

https://www.youtube.com/watch?v=-z2aC82IPQs

И покрај тоа што видеото изгледа и по малку комично. Кристофер признава дека бил исплашен.

„Се држев настрана, а зад мене беше задната врата, па можев да избегам ако мечката одлучеше да ме нападне“.

Околу половина час мечката влегувала и излегувала, по што Кристофер успеал да ја блокира вратата.

Според New York Post, ова не е првпат во продавница од ланецот 7-Eleven да влезе мечка.

Во ноември минатата година беше објавено видео на кое се гледа како мечка влегува во продавницата и „го користи“ средството за дезинфекција ставено пред вратата.

На видеото можете да ја слушнете и преплашената касиерка која вика. За среќа, посетата не мечката поминала без инциденти и никој не е повреден.

@fmunna83pk Last night enter the store…. #bearworld #squawvalley #truckee #nature #foryou ♬ original sound - Fanu

Спирова С. | Црнобело