Маж кој донира сперма е татко на 50 деца: „Популарен сум бидејќи паровите можат да ме запознаат лично“

Детали

четврток, 08 септември 2022

Кајл Горди од Лос Анџелес има 31 година и е биолошки татко на дури 50 деца. Тој ја донира неговата сперма, а вели дека е популарен бидејќи паровите имаат можност да го запознаат лично, за разлика од банките за сперма каде што донорите се анонимни.

Таканаречените банки за сперма се одлично решение за паровите кои сакаат да станат родители, но не можат, но и за жените кои сакаат да станат мајки без машки партнер.

Во овие банки, донорите на сперма се анонимни, но идните родители знаат важни информации за нив, како здравствена состојба и физички карактеристики.

И 31-годишниот Карл Горди е донор на сперма, но за разлика од останатите донори, тој не сака да остане анонимен.

Кајл, кој живее во Лос Анџелес, ги рекламира неговите услуги на социјалните мрежи, а паровите кои сакаат да станат родители го контактираат лично него. Истовремено, тој не наплаќа за оваа услуга.

Па така, сега Кајл е биолошки татко на 50 деца, а вели дека наскоро треба да се родат уште 15.

Кајл смета дека на паровите неретко им е непријатно да користат банки за сперма поради анонимноста. Односно, тие не знаат ништо за мажот кој ја донира својата семена течност, па повеќе им одговараат неговите услуги.

„Сметам дека сум популарен бидејќи паровите имаат можност да ме запознаат. Отворен сум со луѓето и можат да ми веруваат.

Секогаш се трудам јас да одам во посета на семејството, наместо да ги терам тие да доаѓаат кај мене“.

Кајл истакнува дека петпати во годината се тестира за сексуално преносливи болести, но и други здравствени проблеми, со цел да биде сигурен дека нема да се појават никакви проблеми со бременоста.

„Повеќето луѓе се тестираат само еднаш годишно, додека јас ги правам овие тестови и до петпати во една година.

Јас сум професионалец бидејќи детално им објаснувам сè на паровите, знаат колку сум плоден и знаат колкави се шансите да се зачне бебето. Јас сум подобар од банките бидејќи мене најважен ми е квалитетот“.

Кајл тврди дека се храни многу здраво и пие разни витамини со цел да го подобри квалитетот на неговата семена течност.

„Црвеното вино може да биде многу добро за вас и има многу придобивки кај донорите, па си дозволувам да пијам, но само умерено.

Уште учам во која храна можам да уживам, а која исто така е добра за плодноста“.

Кајл вели дека сега донира спрема и преку клиника за асистирано оплодување од Филипините, а клиниката му ги покрива трошоците за патувањето од САД до таму.

„Правам мој профил, а клиниката го објавува онлајн, заедно со фотографии од мене и моите одговори на некои основни прашања.

Ако ме одберат, обично правам по две донации. Лесно е бидејќи во клиниката ми ги прават сите потребни тестови, како оние за сексуално преносливи болести и квалитетот на спермата“.

Спирова С. | Црнобело