Мал херој: 10-годишно момче ја спасило мајка му откако добила епилептичен напад во базен (видео)

Детали

среда, 31 август 2022

Гавин од САД забележал дека мајка му има епилептичен напад во базенот во нивниот двор, па без двоумење влегол внатре за да ја спаси. За херојскиот подвиг, 10-годишното момче добило и признание од локалната полиција.

10-годишниот Гавин од Оклахома, САД, го спасил животот на неговата мајка, откако таа добила епилептичен напад додека била во базен.

Од морничавиот настан има и видео снимено од безбедносната камера поставена во дворот на семејството.

Во изјава за Good Morning America, мајка му Лори открива дека има епилепсија, поради што е склона кон напади.

„Гавин само што излезе од базенот и јад веднаш добив напад. Се исплашив повеќе од кога било“, вели таа.

Гавин бил во близина на базенот кога забележал дека мајка му потонала.

На видеото се гледа како тој скока во базенот, ја извлекува мајка му до работ и ѝ ја држи главата над вода додека да дојде неговиот дедо.

10-year-old saves drowning mother suffering seizure in pool. @ErielleReshef reports.

MORE HERE: https://t.co/OHjDQhg5Ak pic.twitter.com/kDzvNwMw3Z

— Good Morning America (@GMA) August 29, 2022

Гавин вели дека бил малку исплашен, а за херојскиот подвиг добил и признание од локалната полиција.

„Поради брзото делување, тој спаси живот. Неговата мајка не мораше да оди во болница и не голтна вода. Тој е херој.

Тој има емпатија за човештвото, неговите пријатели и неговото семејство и се надевам дека ќе биде таков во иднина“, вели локален полицаец за People.

Лори, пак, вели дека е горда што има таков син.

„Тој дефинитивно е мојот херој. Но, мислам и дека е мојот ангел чувар“.

Спирова С. | Црнобело