Исповед на девојка: „Добив труење од сонце, по третманот во болница 3 дена чекав отокот да опадне“

Детали

сабота, 30 јули 2022

„Се обидов да ги отворам очите кога се разбудив, но не можев да ги отворам во целост. Бев шокирана кога се погледнав во огледало и видов колку ми е отечено лицето“ - раскажува оваа девојка од Англија која добила труење предизвикано од екстремни изгореници од сонце.

Руби Бруер (23) од Англија, објави фотографии на кои се гледа драстичната промена на нејзиното лице и врат откако добила алергиска реакција заради прекумерна изложеност на сонце.

Отокот на нејзиното лице бил толку голем, што практично и очите ѝ биле во целост затворени.

На почетокот од месецот Руби заедно со другарките била на фестивал на отворено, а во брзањето да излезе од дома заборавила да нанесе крем со заштитен фактор.

Дента температурата била околу 26 степени Целзиусови, а таа вели дека не почувствувала никакво печење или болка додека била на отворено.

https://www.instagram.com/p/Bm8dyM4h2qJ/?utm_source=ig_web_copy_link

Два дена откако се вратила од фестивалот Руби се разбудила и не можела да се препознае во огледалото. Лицето ѝ било мошне отечено, а капаците од очите ѝ биле во целост затворени.

„Се обидов да ги отворам очите кога се разбудив, но не можев да ги отворам во целост. Бев шокирана кога се погледнав во огледало и видов колку ми е отечено лицето.

Кожата ми беше натечена и црвена, а на вратот и на рацете имав осип. Мајка ми кога стана и ме виде ми рече да не паничам и веднаш ме однесе во болница“ – раскажува таа.

Руби веднаш примила инфузија, лекови против алергија и стероиди со цел да се намали отокот, за кој се верувал дека е предизвикан од алергиска реакција на сончевите зраци.

„Ме надгледуваа околу пет часа и откако отокот се намали ми препишаа стероиди и лекови против алергија и ме пуштија дома“ – вели таа.

Руби откако била пуштена дома, направила детално истражување на Интернет и сега е уверена дека добила труење од сонце, како последица на екстремните изгореници со кои се здобила.

Како што вели, наишла на фотографии од луѓе што претходно имале вакво труење и уверена е дека и таа претрпела такви последици затоа што со часови била на сонце без заштитен фактор.

„Во наредните денови отокот опадна благодарение на терапијата, но кожата ми беше мошне затегната, ме чешаше и се чувствував ужасно“ – раскажува таа.

Сега, Руби вели дека ја научила лекцијата и од домот не излегува без заштитен фактор SPF 50 што го става под шминката, а со себеси редовно носи спреј со заштитен фактор.

https://www.instagram.com/p/CeZYGJaMFAv/?utm_source=ig_web_copy_link

Вели дека спрејот го користи секогаш кога не е во можност да нанесе заштитен фактор под шминката.

https://www.instagram.com/p/CdbZq-SM2mm/?utm_source=ig_web_copy_link

Инаку, според WebMed труењето од сонце е појава што се користи за да се опише состојбата кога некое лице има екстремни изгореници од сонце. 

Оттаму посочуваат дека изгорениците може да следуваат и по само 15 минути поминати на сонце, а црвенилото и непријатноста да ги почувствувате дури по неколку часа.

Првите симптоми на труење со сонце се: црвенило на кожата, меури и нафрлање на кожата, болка, оток, но некои луѓе може да почувствуваат и главоболка, треска, гадење, вртроглавица и дехидрираност.

Доколку по изложеност на сонце почувствувате кој било од овие симптоми, потребно е веднаш да се јавите на лекар.

Б. С. Б. | Црнобело